अमृत कौशल्य उद्यम प्रशिक्षण : अमरावतीत विविध प्रशिक्षणांसाठी नावनोंदणी सुरू

अमरावती : अमृत ही राज्य शासनाची स्वायत्त संस्था खुल्या प्रवर्गातील आर्थिक दुर्बल घटकांच्या सक्षमीकरणासाठी कार्यरत आहे. लक्ष्यित गटातील घटकांना स्वतःच्या पायावर उभे करण्याच्या उद्देशाने अमृत संस्थेमार्फत विविध मोफत व्यावसायिक प्रशिक्षण कार्यक्रमांचे आयोजन करण्यात येते. अमृत कौशल्य उद्यम प्रशिक्षण योजनेअंतर्गत अमरावतीमध्ये विविध प्रशिक्षण कार्यक्रमांसाठी नावनोंदणी सुरू झाली आहे. इच्छुक उमेदवारांनी या सुवर्णसंधीचा लाभ घ्यावा, असे आवाहन अमृत संस्थेचे अमरावती जिल्हा व्यवस्थापक केदार गोगरकर यांनी केले आहे.

या योजनेअंतर्गत पुढील प्रशिक्षण कार्यक्रम राबवण्यात येणार आहेत.

- अमृत उद्योग कौशल्यवर्धन

- अमृत सूर्यमित्र - सोलार इन्स्टॉलेशन टेक्निशियन

- अमृत आरीवर्क

- अमृत बेकरी प्रशिक्षण

हे सर्व प्रशिक्षण कार्यक्रम पूर्णतः मोफत असून, प्रशिक्षणानंतर स्वयंरोजगार सुरू करणे, तसेच रोजगाराच्या संधी उपलब्ध होण्यास मदत होणार आहे. इच्छुक उमेदवारांनी वेळ न दवडता अमृत कार्यालयाशी संपर्क साधून या प्रशिक्षण योजनांचा लाभ घ्यावा, असे आवाहन करण्यात आले आहे.

अधिक माहिती व नावनोंदणीसाठी संपर्क :

- केदार गोगरकर 9112227635

- ऋषिकेश कथलकर 7249451152

पत्ता : अमृत संस्थेचे अमरावती विभागीय कार्यालय, 

आशीर्वाद बिल्डिंग, घर नंबर 33, 

विदर्भ हाउसिंग कॉलनी, मालटेकडीसमोर,

बस स्टँड रोड, अमरावती

अमृत संस्थेविषयी :

महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना दुसऱ्या कुठल्याही शासकीय संस्था किंवा महामंडळे यांच्या योजनांचा लाभ मिळत नाही, अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कोमटी, मारवाडी, ठाकूर, गुजराती, सिंधी, कायस्थ, जाट, बणिया, बंत्स, नायर अय्यंगार, पाटीदार, बंगाली, पटेल, येलमार, त्यागी, सेनगुनथर, राजपुरोहित, नायडू, एलमार इत्यादींचा समावेश आहे. अशा जातींमधल्या वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात.

अधिक माहितीसाठी आपल्या जिल्ह्यातील ‘अमृत’ कार्यालयाशी संपर्क साधावा. तसेच, ‘अमृत’चे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in