अमृतच्या व्याज परतावा योजनेची साथ; कवठे महांकाळमध्ये व्यवसायाला नवी झेप!

सांगली : व्यवसाय सुरू करताना किंवा त्याचा विस्तार करताना आर्थिक पाठबळ मिळणे अत्यंत महत्त्वाचे असते. योग्य वेळी मिळालेली आर्थिक मदत व्यावसायिकांना नवी उमेद आणि प्रगतीची दिशा देऊ शकते. याचे उदाहरण म्हणजे कवठे महांकाळ येथील श्रीमती अर्चना कणेरीकर यांचा 'न्यू बालाजी फूटवेअर' विक्रीचा व्यवसाय.

श्रीमती अर्चना कणेरीकर ह्या कवठे महांकाळ येथे 'न्यू बालाजी फूटवेअर'चा व्यवसाय करतात. ग्राहकांच्या गरजा लक्षात घेऊन त्या आपल्या व्यवसायातून विविध प्रकारचे पादत्राणे उपलब्ध करून देतात. व्यवसायाच्या वाटचालीत महाराष्ट्र संशोधन, उन्नती व प्रशिक्षण प्रबोधिनी (अमृत) संस्थेच्या व्याज परतावा योजनेचा लाभ त्यांना मिळाला आहे.

या योजनेमुळे व्यावसायिकांना कर्जावरील व्याजाचा भार कमी करण्यास मदत होते. त्यामुळे व्यवसायाचे आर्थिक नियोजन अधिक चांगल्या प्रकारे करता येते आणि व्यवसायाच्या वाढीसाठी प्रयत्न करण्यास प्रोत्साहन मिळते.

अमृत संस्थेच्या व्याज परतावा योजनेसारख्या उपक्रमांमुळे लक्षित गटातील होतकरू उद्योजकांना आर्थिक आधार मिळत असून, त्यांना स्वतःच्या व्यवसायातून प्रगती साधण्याची संधी उपलब्ध होत आहे. श्रीमती अर्चना कणेरीकर यांना मिळालेला या योजनेचा लाभ हा व्यावसायिकांना मिळणाऱ्या पाठबळाचे उदाहरण आहे. व्यावसायिकांना प्रोत्साहन, उद्योगांना बळ आणि स्वावलंबनाकडे वाटचाल, या उद्देशाने अमृत संस्था विविध योजनांच्या माध्यमातून लाभार्थ्यांना सहकार्य करत आहे. श्रीमती अर्चना कणेरीकर यांनी अमृतच्या या योजनेमुळे मिळालेल्या व्याज परताव्याच्या लाभामुळे त्यांचा आर्थिक ताण कमी झाल्याने अमृत संस्थेचे आभार मानले.

अधिक माहिती साठी संपर्क :

९११२२२८७६६ /७०५७६०७४१९

महाराष्ट्र संशोधन, उन्नती व प्रशिक्षण प्रबोधिनी (अमृत)

अमृत जिल्हा कार्यालय, अप्पर तहसीलदार कार्यालया समोर,

राजवाडा, सांगली ४१६४१६

अमृत संस्थेविषयी :- अमृत ही महाराष्ट्र शासनाची स्वायत्त संस्था असून खुल्या प्रवर्गातील अश्या जाती ज्यांना दुसऱ्या कुठल्याही शासकीय संस्था किंवा महामंडळे यांच्या योजनांचा लाभ नाही अश्या जातीतील आर्थिक दुर्बल घटक हा अमृतचा लक्षित गट आहे. लक्षित गटात ब्राह्मण, सिंधी, हिंदू मारवाडी, गुजराती, पटेल, राजपूत, राजपुरोहित, बनिया, कम्मा, कायस्थ, अय्यंगार, नायर, नायडू, पाटीदार, बंगाली, येलमार, हिंदू नेपाळी, भूमिहार, त्यागी, सेनगूनथर, जाट, कानबी, कोमटी, हिंदू वीरशैव लिंगायत इ. जातींचा समावेश आहे. अशा जातींमधल्या कौटुंबिक वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. अधिक माहितीसाठी संबंधित जिल्ह्यातील अमृत कार्यालयाशी संपर्क साधावा किंवा अमृतचे संकेतस्थळ आणि सोशल मीडिया हँडल्सना भेट द्यावी.

संकेतस्थळ- https://mahaamrut.org.in/