बीडच्या नारायण पांडे यांची जिद्द; व्यवसायाच्या वाटचालीत अमृतची साथ!

बीड : नोकरीच्या मागे न लागता स्वतःचा व्यवसाय सुरू करून स्वावलंबी होण्याचा निर्णय घेतलेल्या बीड येथील नारायण राजेंद्र पांडे यांनी मेहनतीच्या जोरावर स्वतःची वेगळी वाट निर्माण केली आहे. शिक्षण पूर्ण झाल्यानंतर त्यांनी नोकरी शोधण्याऐवजी व्यवसाय करण्याचे ठरवले आणि सुमारे पाच वर्षांपूर्वी ‘श्री वॉशिंग सेंटर’ सुरू केले. दुचाकी आणि चारचाकी वाहनांच्या वॉशिंगचा व्यवसाय करत त्यांनी स्वतःच्या पायावर उभे राहण्याचा प्रयत्न सुरू ठेवला. व्यवसायाच्या विस्तारासाठी आवश्यक साहित्य आणि मशिनरी खरेदी करताना अमृत संस्थेच्या वैयक्तिक कर्ज व्याज परतावा योजनेची त्यांना मदत झाली आहे. व्यवसायाच्या विस्तारासाठी घेतले पाच लाखांचे कर्ज

‘श्री वॉशिंग सेंटर’च्या माध्यमातून नारायण पांडे मागील पाच वर्षांपासून वाहनांच्या वॉशिंगचा व्यवसाय करत आहेत. व्यवसाय अधिक चांगल्या पद्धतीने चालवण्यासाठी आणि आवश्यक मशिनरी व साहित्य उपलब्ध करण्यासाठी त्यांना आर्थिक मदतीची गरज होती. त्यासाठी त्यांनी पूर्णवादी सहकारी बँकेच्या बीड नगर रोड शाखेतून पाच लाख रुपयांचे कर्ज घेतले.

दरम्यान, त्यांना महाराष्ट्र शासनाची स्वायत्त संस्था असलेल्या महाराष्ट्र संशोधन, उन्नती व प्रशिक्षण प्रबोधिनी (अमृत) यांच्या वैयक्तिक कर्ज व्याज परतावा योजनेची माहिती मिळाली. त्यांनी या योजनेचा लाभ घेतला. मागील सव्वा वर्षापासून त्यांच्या कर्जावरील व्याजापोटी अमृत संस्थेकडून परतावा दिला जात आहे. आतापर्यंत त्यांना सुमारे *६८ हजार रुपयांचा व्याज परतावा* मिळाला आहे. त्यामुळे कर्जावरील व्याजाचा आर्थिक भार कमी करण्यासाठी त्यांना मदत झाली आहे.

मेहनत, व्यवसायाची जिद्द आणि अमृतचे सहकार्य

स्वतःचा व्यवसाय सुरू करून तो टिकवणे आणि पुढे नेणे यासाठी सातत्याने मेहनत घ्यावी लागते. नारायण पांडे यांनी गेल्या पाच वर्षांत आपल्या व्यवसायाच्या माध्यमातून ही वाटचाल सुरू ठेवली आहे. व्यवसायासाठी घेतलेल्या कर्जावरील व्याजाचा काही भार अमृतच्या योजनेमुळे कमी होण्यास मदत झाली. स्वयंरोजगाराच्या माध्यमातून स्वतःची प्रगती साधू इच्छिणाऱ्या तरुणांसाठी त्यांचा हा प्रयत्न प्रेरणादायी आहे.

अमृतच्या योजनेचा लाभ मिळाल्याबद्दल नारायण पांडे यांनी अमृतचे बीड जिल्हा व्यवस्थापक श्री. विशाल जोशी, पूर्णवादी सहकारी बँकेचे शाखा व्यवस्थापक श्री. विजय कोठुळे आणि अमृत संस्थेचे आभार मानले.

मेहनती तरुणाच्या व्यवसायाला साथ द्या!

बीड शहरातील बार्शी रोडवर, सोमेश्वर मंदिराजवळ नारायण पांडे यांचे *‘श्री वॉशिंग सेंटर’* आहे. स्वतःच्या मेहनतीच्या आणि जिद्दीच्या बळावर व्यवसाय उभारणाऱ्या या तरुणाच्या प्रयत्नांना आपणही साथ देऊ शकतो. आपल्या दुचाकी आणि चारचाकी वाहनांच्या वॉशिंगसाठी श्री वॉशिंग सेंटरला भेट देऊन त्यांच्या सेवेचा लाभ घ्यावा आणि स्थानिक तरुण उद्योजकाला प्रोत्साहन द्यावे. ग्राहकांनी दिलेली साथ ही अशा मेहनती तरुणांच्या व्यवसायाच्या पुढील वाटचालीसाठी महत्त्वाची ठरू शकते.

अमृत संस्थेमार्फत राबविण्यात येणाऱ्या विविध योजनांची पात्र लाभार्थ्यांनी माहिती घ्यावी आणि त्यांचा लाभ घ्यावा, असे आवाहन अमृतच्या वतीने करण्यात आले आहे. अधिक माहितीसाठी इच्छुकांनी अमृतच्या बीड जिल्हा कार्यालयाशी संपर्क साधावा.

अधिक माहितीसाठी संपर्क : 73910 65468

पत्ता : अमृत संस्थेचे बीड जिल्हा कार्यालय, अथर्व अभ्यासिकेच्या वर, नवगण कॉलेज रोड, वाघ नेत्रालयाशेजारी, बीड. 431122

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कोमटी, मारवाडी, गुजराती, सिंधी, कायस्थ, जाट, बणिया, बंत्स, नायर अय्यंगार, पाटीदार, बंगाली, पटेल, येलमार, त्यागी, सेनगुनथर, राजपुरोहित, नायडू, एलमार, हिंदू वीरशैव लिंगायतइत्यादींचा समावेश आहे. अशा जातींमधल्या वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. अधिक माहितीसाठी आपापल्या जिल्ह्यातील ‘अमृत’ कार्यालयाशी संपर्क साधावा. तसेच, ‘अमृत’चे संकेतस्थळ आणि सोशल मीडिया हँडल्स पाहावीत. संकेतस्थळ :https://mahaamrut.org.in/