समीर सुधाकरराव चामणीकर यांची लातूर अमृत कार्यालयास सदिच्छा भेट; ‘अमृत मिनी मार्ट’ संकल्पनेबाबत व्यक्त केली रुची

लातूर : समीर सुधाकरराव चामणीकर यांनी महाराष्ट्र संशोधन, उन्नती व प्रशिक्षण प्रबोधिनी (अमृत), जिल्हा कार्यालय, लातूर येथे सदिच्छा भेट दिली. यावेळी अमृत संस्थेमार्फत राबविण्यात येणाऱ्या विविध योजना, प्रशिक्षण कार्यक्रम आणि स्वयंरोजगाराच्या संधींबाबत सविस्तर माहिती देण्यात आली.

या भेटीदरम्यान अमृत संस्थेच्या माध्यमातून राबविण्यात येणाऱ्या ‘अमृत मिनी मार्ट’ या संकल्पनेची माहिती त्यांना देण्यात आली. या संकल्पनेच्या माध्यमातून स्थानिक उत्पादने, विविध वस्तूंची विक्री आणि व्यवसायाच्या संधींना प्रोत्साहन मिळू शकते. तसेच उद्योजकतेला चालना देऊन आर्थिक स्वावलंबन साध्य करण्यासाठी हा उपक्रम उपयुक्त ठरू शकतो.

‘अमृत मिनी मार्ट’ या संकल्पनेची माहिती जाणून घेतल्यानंतर समीर सुधाकरराव चामणीकर यांनी या उपक्रमाबाबत विशेष रुची दाखवली आणि या संकल्पनेशी जोडले जाण्याची इच्छा व्यक्त केली. त्यांच्या या सकारात्मक प्रतिसादामुळे अमृतच्या माध्यमातून स्वयंरोजगार व उद्योजकतेला प्रोत्साहन देणाऱ्या उपक्रमांबाबत जागरूकता निर्माण होत असल्याचे दिसून येते.

अमृत संस्थेचा मुख्य उद्देश पात्र घटकांना विविध योजनांच्या माध्यमातून शिक्षण, कौशल्य विकास, रोजगार आणि स्वयंरोजगाराच्या संधी उपलब्ध करून देणे हा आहे. ‘अमृत मिनी मार्ट’सारख्या संकल्पनांमुळे व्यवसायाच्या नव्या संधी निर्माण होण्यास आणि आर्थिक स्वावलंबनाला चालना मिळण्यास मदत होऊ शकते.

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी ,भूमिहार व हिंदू वीरशैव लिंगायत  अशा  जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/