कलादालन फोटो स्टुडिओचे संचालक श्री सिद्धेश्वर संकाये यांची लातूर येथील अमृत कार्यालयास सदिच्छा भेट

लातूर : लातूर येथील कलादालन फोटो स्टुडिओचे संचालक श्री सिद्धेश्वर संकाये यांनी महाराष्ट्र संशोधन, उन्नती व प्रशिक्षण प्रबोधिनी (अमृत) च्या लातूर जिल्हा कार्यालयास सदिच्छा भेट दिली. यावेळी त्यांनी अमृतच्या विविध योजना, प्रशिक्षण उपक्रम तसेच रोजगार व स्वयंरोजगाराच्या संधींबाबत सविस्तर माहिती जाणून घेतली. श्री सिद्धेश्वर संकाये हे गेल्या २० वर्षांपासून फोटोग्राफी क्षेत्रात कार्यरत असून, प्रशासकीय कामकाजासाठी आवश्यक असलेली डॉक्युमेंटरी फोटोग्राफी तसेच खासगी स्वरूपातील विविध फोटोग्राफी सेवा पुरविण्याचा त्यांना प्रदीर्घ अनुभव आहे.

या भेटीदरम्यान अमृत कार्यालयाच्या वतीने संस्थेमार्फत राबविण्यात येणाऱ्या विविध कल्याणकारी योजना, कौशल्य विकास प्रशिक्षण, उद्योजकता विकास कार्यक्रम तसेच पात्र लाभार्थ्यांसाठी उपलब्ध असलेल्या रोजगार व स्वयंरोजगाराच्या संधींची माहिती देण्यात आली. युवकांना कौशल्याधारित प्रशिक्षण देऊन त्यांना स्वतःचा व्यवसाय सुरू करण्यासाठी प्रोत्साहित करणे, तसेच पात्र घटकांना आर्थिकदृष्ट्या स्वावलंबी बनविणे, या उद्देशाने अमृतच्या माध्यमातून राबविण्यात येणाऱ्या विविध उपक्रमांची माहिती त्यांनी जाणून घेतली.

शासकीय संस्थांच्या योजनांची माहिती विविध व्यावसायिक घटकांपर्यंत पोहोचणे आणि पात्र लाभार्थ्यांना या योजनांचा लाभ घेण्यासाठी प्रोत्साहन मिळणे महत्त्वाचे आहे. या दृष्टिकोनातून ही सदिच्छा भेट महत्त्वपूर्ण ठरली.

यावेळी लातूर जिल्हा व्यवस्थापक शुभम मुळजकर आणि जिल्हा उपव्यवस्थापक अजय कुलकर्णी उपस्थित होते.

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी ,भूमिहार व हिंदू वीरशैव लिंगायत  अशा  जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/