अमृतच्या व्याज परतावा योजनेचा डॉ. सुयश जोशी यांना लाभ

सांगली : महाराष्ट्र संशोधन, उन्नती व प्रशिक्षण प्रबोधिनी (अमृत) संस्थेच्या व्याज परतावा योजनेचा लाभ डॉ. सुयश जोशी यांना मिळाला आहे. डॉ. जोशी हे दंतवैद्य (डेंटिस्ट) असून, या योजनेमुळे त्यांना आपल्या व्यावसायिक वाटचालीसाठी आर्थिक पाठबळ मिळाले आहे.
अमृत संस्थेमार्फत लक्षित गटातील पात्र युवक-युवतींना व्यवसाय व स्वयंरोजगारासाठी प्रोत्साहन देण्याच्या उद्देशाने विविध योजना राबविल्या जातात. व्याज परतावा योजनेच्या माध्यमातून पात्र लाभार्थ्यांना नियमानुसार आर्थिक सहाय्य मिळण्यास मदत होते. त्यामुळे स्वतःचा व्यवसाय उभारू इच्छिणाऱ्या तसेच व्यवसायाचा विस्तार करू इच्छिणाऱ्या युवकांना प्रोत्साहन मिळते.
डॉ. सुयश जोशी यांना मिळालेला या योजनेचा लाभ हा अमृत संस्थेच्या योजनांमधून लाभार्थ्यांना मिळणाऱ्या आर्थिक सहाय्याचे उदाहरण आहे. अशा योजनांची माहिती पात्र लाभार्थ्यांपर्यंत पोहोचल्यास अधिकाधिक युवकांना स्वयंरोजगाराची संधी उपलब्ध होऊ शकते. अमृत संस्थेची व्याज परतावा योजना ही नवउद्योजकांसाठी आर्थिक बळ देणारी प्रभावी योजना ठरत असून अनेक युवक-युवतींना स्वावलंबनाकडे वाटचाल करण्यासाठी प्रेरणा देत आहे.
अमृत सांगली जिल्हा कार्यालयाच्या वतीने पात्र युवक-युवतींनी संस्थेच्या विविध योजनांची माहिती घेऊन त्यांचा लाभ घेण्यासाठी पुढाकार घ्यावा, असे आवाहन करण्यात येत आहे.

*अमृत संस्थेविषयी :-*
अमृत ही महाराष्ट्र शासनाची स्वायत्त संस्था असून खुल्या प्रवर्गातील अश्या जाती ज्यांना दुसऱ्या कुठल्याही शासकीय संस्था किंवा महामंडळे यांच्या योजनांचा लाभ नाही अश्या जातीतील आर्थिक दुर्बल घटक हा अमृतचा लक्षित गट आहे. लक्षित गटात ब्राह्मण, सिंधी, हिंदू मारवाडी, गुजराती, पटेल, राजपूत, राजपुरोहित, बनिया, कम्मा, कायस्थ, अय्यंगार, नायर, नायडू, पाटीदार, बंगाली, येलमार, हिंदू नेपाळी, भूमिहार, त्यागी, सेनगूनथर, जाट, कानबी, कोमटी, हिंदू वीरशैव लिंगायत इ. जातींचा समावेश आहे. अशा जातींमधल्या कौटुंबिक वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. अधिक माहितीसाठी संबंधित जिल्ह्यातील अमृत कार्यालयाशी संपर्क साधावा किंवा अमृतचे संकेतस्थळ आणि सोशल मीडिया हँडल्सना भेट द्यावी. https://mahaamrut.org.in/

*अधिक माहिती साठी संपर्क :
९११२२२८७६६ /७०५७६०७४१९
महाराष्ट्र संशोधन, उन्नती व प्रशिक्षण प्रबोधिनी (अमृत)
अमृत जिल्हा कार्यालय, अप्पर तहसीलदार कार्यालया समोर,
राजवाडा, सांगली ४१६४१६