वर्धा जिल्ह्यातील आर्वी शहरात ‘अमृत ब्युटी पार्लर प्रशिक्षण’ बॅचचा शुभारंभ

आर्वी, जि. वर्धा : वर्धा जिल्ह्यातील आर्वी शहरात महाराष्ट्र संशोधन, उन्नती व प्रशिक्षण प्रबोधिनी (अमृत) यांच्या वतीने ‘अमृत ब्युटी पार्लर प्रशिक्षण’ च्या नवीन बॅचचा शुभारंभ करण्यात आला.

ब्युटी पार्लर क्षेत्रातील विविध कौशल्ये प्रशिक्षणार्थींनी आत्मसात करता यावीत आणि त्यातून भविष्यात स्वयंरोजगाराची संधी निर्माण व्हावी, या उद्देशाने या प्रशिक्षणाचे आयोजन करण्यात आले आहे. प्रशिक्षणादरम्यान ब्युटी पार्लर व्यवसायासाठी आवश्यक कौशल्यांचे प्रात्यक्षिकासह प्रशिक्षण देण्यात येणार असून, व्यवसाय सुरू करण्यासाठी आवश्यक मार्गदर्शनही केले जाणार आहे.

यावेळी अमृतचे वर्धा जिल्हा व्यवस्थापक श्री. ऋषिकेश खराटे तसेच जिल्हा उपव्यवस्थापक श्री. धीरज राठी उपस्थित होते. प्रशिक्षणार्थींनी प्रशिक्षणाचा नियमित लाभ घेऊन मिळालेल्या कौशल्यांचा उपयोग स्वतःच्या व्यवसायासाठी करावा, असे आवाहन यावेळी करण्यात आले.

कौशल्य विकासासोबतच प्रशिक्षणार्थींना स्वतःच्या पायावर उभे राहण्यासाठी आणि आर्थिकदृष्ट्या सक्षम होण्यासाठी आवश्यक दिशा देण्याचा प्रयत्न या उपक्रमातून करण्यात येत आहे. आर्वी शहरात सुरू झालेल्या या प्रशिक्षणामुळे ब्युटी पार्लर क्षेत्रात काम करण्याची इच्छा असलेल्या प्रशिक्षणार्थींना कौशल्य विकसित करण्याची आणि भविष्यात स्वयंरोजगाराची संधी मिळणार आहे.

कौशल्य विकासासोबतच प्रशिक्षणार्थींना स्वतःच्या पायावर उभे राहण्यासाठी आणि आर्थिकदृष्ट्या सक्षम होण्यासाठी आवश्यक दिशा देण्याचा प्रयत्न या उपक्रमातून करण्यात येत आहे. आर्वी शहरात सुरू झालेल्या या प्रशिक्षणामुळे ब्युटी पार्लर क्षेत्रात काम करण्याची इच्छा असलेल्या प्रशिक्षणार्थींना कौशल्य विकसित करण्याची आणि भविष्यात स्वयंरोजगाराची संधी मिळणार आहे.

अधिक माहितीसाठी संपर्क अमृत, वर्धा जिल्हा कार्यालय प्रशासकीय भवन, तळमजला, जिल्हाधिकारी कार्यालय परिसर, सिव्हिल लाईन, वर्धा.

मोबाईल : 9112227632