पुणे येथील कवठे येथे महिला बचत गटाच्या मेळाव्यात अमृतच्या विविध योजनांचे मार्गदर्शन

कवठे येथे महिला बचत गटाच्या मेळाव्याचे आयोजन करण्यात आले. या मेळाव्यात अमृत संस्थेच्या विविध योजना व उपक्रमांची महिलांना सविस्तर माहिती देण्यात आली. यावेळी महिलांना अमृतच्या माध्यमातून उपलब्ध असलेल्या विविध प्रशिक्षण कार्यक्रमांची माहिती देण्यात आली. महिलांनी प्रशिक्षणाच्या माध्यमातून नवीन कौशल्ये आत्मसात करून स्वतःचा व्यवसाय सुरू करावा तसेच आर्थिकदृष्ट्या सक्षम व्हावे, याबाबत अमृत संस्थेच्या वतीने कमलाकर कुलकर्णी यांनी मार्गदर्शन केले. महिला बचत गटांच्या माध्यमातून महिलांना रोजगाराच्या व स्वयंरोजगाराच्या विविध संधी उपलब्ध करून देण्यासाठी अमृत संस्था कार्यरत असल्याचे यावेळी सांगण्यात आले. उपस्थित महिलांनी अमृतच्या योजनांविषयी उत्स्फूर्तपणे माहिती जाणून घेतली. या मेळाव्यामुळे कवठे येथील महिला बचत गटातील महिलांना विविध योजना, प्रशिक्षण व रोजगाराच्या संधींबाबत उपयुक्त मार्गदर्शन मिळाले.