वर्धा जिल्ह्यातील आर्वी येथे अमृतच्या पुढाकारातून वृक्षारोपण; विद्यार्थ्यांच्या सहभागातून पर्यावरण संवर्धनाचा संदेश

आर्वी, जि. वर्धा, दि. 26 सप्टेंबर 2026 : पर्यावरण संवर्धनाची जाणीव विद्यार्थ्यांमध्ये रुजविण्यासोबतच निसर्गाशी असलेले नाते अधिक दृढ करण्याच्या उद्देशाने शिवाजी प्राथमिक नगर परिषद शाळा, आर्वी येथे अमृत संस्थेच्या वतीने वृक्षारोपण कार्यक्रम उत्साहात पार पडला. या उपक्रमात शाळेतील शिक्षक व विद्यार्थ्यांनी उत्स्फूर्त सहभाग घेतला. विद्यार्थ्यांच्या उपस्थितीत शाळेच्या परिसरात विविध वृक्षांची लागवड करण्यात आली. यावेळी वृक्षांचे पर्यावरणातील महत्त्व, वाढते प्रदूषण रोखण्यासाठी वृक्षांची भूमिका तसेच लागवड केलेल्या वृक्षांची नियमित निगा व संगोपन याबाबत विद्यार्थ्यांना मार्गदर्शन करण्यात आले. अमृत संस्थेचे वर्धा जिल्हा उपव्यवस्थापक श्री. धीरज राठी यांच्या उपस्थितीत हा उपक्रम पार पडला. विद्यार्थ्यांनी केवळ वृक्षारोपण न करता लावलेल्या वृक्षांचे संगोपन करण्याची जबाबदारीही समजून घेतली. अमृत संस्थेच्या विविध उपक्रमांमधून विद्यार्थ्यांमध्ये सामाजिक बांधिलकी, पर्यावरणाबद्दल संवेदनशीलता आणि जबाबदार नागरिकत्वाची भावना निर्माण करण्यावर भर दिला जात आहे. त्याचाच एक भाग म्हणून आयोजित करण्यात आलेल्या या वृक्षारोपण उपक्रमामुळे शाळेचा परिसर अधिक हिरवागार करण्यासोबतच विद्यार्थ्यांमध्ये ‘वृक्ष लावा, वृक्ष जगवा आणि पर्यावरण वाचवा’ हा संदेश प्रभावीपणे पोहोचला. अधिक माहितीसाठी संपर्क : अमृत वर्धा जिल्हा कार्यालय प्रशासकीय भवन, तळमजला, जिल्हाधिकारी कार्यालय परिसर, सिव्हिल लाईन, वर्धा. मोबाईल : 9112227632 अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी (अमृत) ही महाराष्ट्र शासनाची स्वायत्त संस्था असून, खुल्या प्रवर्गातील ज्या जातींना शासकीय संस्था, आयोग किंवा महामंडळ यांच्या योजनांचा लाभ मिळत नाही अशा आर्थिकदृष्ट्या दुर्बल घटकांसाठी विविध कल्याणकारी योजना राबविते. या लक्ष्यित गटामध्ये ब्राह्मण, कोमटी, मारवाडी, गुजराती, सिंधी, कायस्थ, जाट, बणिया, अय्यंगार, पाटीदार, बंगाली, पटेल, येलमार, त्यागी, सेनगुनथर, राजपुरोहित, नायडू, एलमार आदी समाजांचा समावेश आहे. वार्षिक उत्पन्न ₹8 लाखांपेक्षा कमी असलेल्या पात्र व्यक्तींना अमृत संस्थेच्या विविध योजनांचा लाभ घेता येतो. अधिक माहितीसाठी आपल्या जिल्ह्यातील अमृत कार्यालयाशी संपर्क साधावा. तसेच, अमृतच्या अधिकृत संकेतस्थळ व सोशल मीडिया हँडल्सवरूनही योजनांची सविस्तर माहिती मिळू शकते.