महाराष्ट्र संशोधन, उन्नती व प्रशिक्षण प्रबोधिनी (अमृत) व तहसील कार्यालय, लाखनी यांच्या संयुक्त विद्यमाने ‘अमृत संवाद सेतू’ हा विशेष उपक्रम राबविण्यात येत आहे. या उपक्रमाद्वारे विद्यार्थ्यांना शासकीय कार्यालयांची कार्यपद्धती, प्रशासन व्यवस्था, नागरिकांचे अधिकार व कर्तव्ये यांची प्रत्यक्ष माहिती मिळणार आहे. विद्यार्थ्यांना अर्ज व निवेदन लेखन, शासकीय कामकाजाचा पाठपुरावा, तक्रार निवारण प्रक्रिया, माहितीचा अधिकार अधिनियम (RTI), शासन निर्णय (GR), ऑनलाइन शासकीय सेवा व सुविधा यांचा प्रभावी वापर याबाबत मार्गदर्शन केले जाणार आहे. याशिवाय प्रशासनातील मानवी बाजू समजून घेणे, अधिकारी व नागरिक यांच्यातील संवादाचे महत्त्व, लोकशाही व्यवस्थेत नागरिकांचा सहभाग आणि सामाजिक जबाबदारी यावरही विशेष मार्गदर्शन करण्यात येणार आहे.
ता. लाखनी, भंडारा : महाराष्ट्र संशोधन, उन्नती व प्रशिक्षण प्रबोधिनी (अमृत), महाराष्ट्र शासनाची स्वायत्त संस्था यांच्या माध्यमातून दिनांक २३/०९/२०२६ रोजी महाविद्यालयीन, पदवीधर, पदव्युत्तर विद्यार्थ्यांसाठी “अमृत संवाद सेतु” हा विशेष उपक्रम तहसील कार्यालय, लाखनी येथे राबविण्यात येत आहे. या उपक्रमाचा उद्देश विद्यार्थ्यांना शासकीय प्रशासनाची प्रत्यक्ष माहिती देणे, शासन व्यवस्था समजून घेण्याची संधी उपलब्ध करून देणे आणि त्यांच्यामध्ये जबाबदार नागरिकत्वाची भावना निर्माण करणे हा आहे. या उपक्रमामध्ये महाविद्यालयीन विद्यार्थ्यांच्या गटाने सहभाग घेता येणार असून, विद्यार्थ्यांना विविध शासकीय कार्यालयांना भेटी देऊन तेथील कामकाजाची प्रत्यक्ष माहिती मिळणार आहे.
शासकीय विभागांची रचना, अधिकारी व कर्मचाऱ्यांच्या जबाबदाऱ्या, नागरिकांसाठी उपलब्ध सेवा आणि प्रशासनाची कार्यपद्धती याबाबत विद्यार्थ्यांना मार्गदर्शन करण्यात येणार आहे. “अमृत संवाद सेतु” अंतर्गत तहसील कार्यालय,जिल्हाधिकारी कार्यालय तसेच इतर संबंधित शासकीय विभागांच्या कार्यप्रणालीची माहिती विद्यार्थ्यांना देण्यात येईल. तसेच संबंधित अधिकाऱ्यांशी संवाद साधून प्रशासनातील विविध बाबी समजून घेण्याची संधी विद्यार्थ्यांना मिळणार आहे. यामध्ये विद्यार्थ्यांना अर्ज व निवेदन लेखन, शासकीय कामकाजाचा पाठपुरावा, तक्रार निवारण प्रक्रिया, माहितीचा अधिकार अधिनियम (RTI), शासन निर्णय (GR), ऑनलाइन शासकीय सेवा व सुविधा यांचा प्रभावी वापर याबाबत मार्गदर्शन केले जाणार आहे.
याशिवाय प्रशासनातील मानवी बाजू समजून घेणे, अधिकारी व नागरिक यांच्यातील संवादाचे महत्त्व, लोकशाही व्यवस्थेत नागरिकांचा सहभाग आणि सामाजिक जबाबदारी यावरही विशेष मार्गदर्शन करण्यात येणार आहे. आजच्या काळात विद्यार्थ्यांनी केवळ शैक्षणिक ज्ञान न घेता शासन व्यवस्था, सामाजिक प्रश्न आणि नागरिक म्हणून असलेल्या जबाबदाऱ्यांची जाणीव असणे आवश्यक आहे. त्यासाठी ‘अमृत संवाद सेतू’ हा उपक्रम विद्यार्थ्यांना सक्षम, सजग आणि जबाबदार नागरिक घडविण्यासाठी महत्त्वपूर्ण ठरणार आहे.
या उपक्रमामध्ये सहभागी होण्यासाठी इच्छुक विद्यार्थ्यांनी अमृत जिल्हा कार्यालय, तळ मजला, श्री साई किराना घर, स्टेशन रोड, शास्त्री चौक, भंडारा येथे संपर्क साधावा. संपर्क क्रमांक : ९११२२२८७७५, ८८५७९३४७३२ वेबसाईट : https://mahaamrut.org.in/
Comments 0 Comments
No comments yet
You can start the discussion
Write a Comment