अमृत सांगली जिल्हा कार्यालयात श्रीमंत थोरले बाजीराव पेशवे यांची जयंती उत्साहात साजरी

सांगली, दि. १८ ऑगस्ट : महाराष्ट्र संशोधन, उन्नती व प्रशिक्षण प्रबोधिनी (अमृत) संस्थेच्या सांगली जिल्हा कार्यालयात पराक्रम दिन उत्साहात साजरा करण्यात आला. यानिमित्ताने श्रीमंत थोरले बाजीराव पेशवे यांच्या प्रतिमेचे पूजन करून त्यांना अभिवादन करण्यात आले.

सांगली ब्राह्मण सभेचे अध्यक्ष तसेच सांगली-मिरज-कुपवाड महानगरपालिकेचे नगरसेवक श्री. केदार खाडिलकर यांच्या हस्ते श्रीमंत थोरले बाजीराव पेशवे यांच्या प्रतिमेला पुष्पहार अर्पण करून पूजन करण्यात आले.

यावेळी श्री. केदार खाडिलकर यांनी श्रीमंत थोरले बाजीराव पेशवे यांच्या शौर्य, पराक्रम, नेतृत्वगुण आणि युद्धनीतीविषयी उपस्थितांना माहिती दिली. त्यांच्या कार्यातून मिळणारी प्रेरणा, धैर्य आणि राष्ट्रनिष्ठेचे महत्त्व यावरही त्यांनी मार्गदर्शन केले.

या कार्यक्रमास शैलेंद्र जहागिरदार व सौ. गौरी कुलकर्णी यांच्यासह इतर मान्यवर उपस्थित होते. उपस्थित मान्यवरांनी श्रीमंत थोरले बाजीराव पेशवे यांच्या प्रतिमेचे पूजन करून अभिवादन केले.

अमृत संस्थेच्या वतीने आयोजित या उपक्रमातून श्रीमंत थोरले बाजीराव पेशवे यांच्या पराक्रमाची आणि कार्याची माहिती नव्या पिढीपर्यंत पोहोचविण्याचा प्रयत्न करण्यात आला.

*अधिक माहिती साठी संपर्क

९११२२२८७६६ /७०५७६०७४१९ /७९७२८३०७५

महाराष्ट्र संशोधन, उन्नती व प्रशिक्षण प्रबोधिनी (अमृत)

अमृत जिल्हा कार्यालय, अप्पर तहसीलदार कार्यालया समोर,

राजवाडा, सांगली ४१६४१६ अमृत संस्थेविषयी अमृत ही महाराष्ट्र शासनाची स्वायत्त संस्था असून खुल्या प्रवर्गातील अश्या जाती ज्यांना दुसऱ्या कुठल्याही शासकीय संस्था किंवा महामंडळे यांच्या योजनांचा लाभ नाही अश्या जातीतील आर्थिक दुर्बल घटक हा अमृतचा लक्षित गट आहे. लक्षित गटात ब्राह्मण, सिंधी, हिंदू मारवाडी, गुजराती, पटेल, राजपूत, राजपुरोहित, बनिया, कम्मा, कायस्थ, अय्यंगार, नायर, नायडू, पाटीदार, बंगाली, येलमार, हिंदू नेपाळी, भूमिहार, त्यागी, सेनगूनथर, जाट, कानबी, कोमटी इ. जातींचा समावेश आहे. अशा जातींमधल्या कौटुंबिक वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. अधिक माहितीसाठी संबंधित जिल्ह्यातील अमृत कार्यालयाशी संपर्क साधावा किंवा अमृतचे संकेतस्थळ आणि सोशल मीडिया हँडल्सना भेट द्यावी.

संकेतस्थळ- https://mahaamrut.org.in/