आण्णासाहेब पाटील महामंडळाच्या हिंगोली कार्यालयात श्रीमंत थोरले बाजीराव पेशवे जयंती उत्साहात

हिंगोली : आण्णासाहेब पाटील आर्थिक विकास महामंडळ, हिंगोली जिल्हा कार्यालय येथे थोर पराक्रमी योद्धे श्रीमंत थोरले बाजीराव पेशवे यांच्या जयंतीनिमित्त उत्साहपूर्ण वातावरणात कार्यक्रमाचे आयोजन करण्यात आले होते. या कार्यक्रमाला मराठा समाजातील लाभार्थी तसेच विविध क्षेत्रातील मान्यवरांची उपस्थिती लाभली.

कार्यक्रमाच्या सुरुवातीस श्रीमंत थोरले बाजीराव पेशवे यांच्या प्रतिमेचे पूजन करून पुष्पहार अर्पण करण्यात आला. यावेळी जिल्हा समन्वयक बालाजी शिंदे आणि जिल्हा व्यवस्थापक श्रीकांत धोतरे यांच्या हस्ते प्रतिमेस पुष्पहार अर्पण करून अभिवादन करण्यात आले.

यावेळी उपस्थित मान्यवरांनी श्रीमंत थोरले बाजीराव पेशवे यांच्या शौर्य, पराक्रम आणि प्रभावी नेतृत्वगुणांची आठवण करून दिली. अत्यंत कमी वयात त्यांनी आपल्या असामान्य युद्धकौशल्याच्या जोरावर अनेक विजय मिळवले. त्यांची वेगवान निर्णयक्षमता, धाडसी नेतृत्व, दूरदृष्टी आणि स्वराज्यनिष्ठा आजही प्रत्येकासाठी प्रेरणादायी असल्याचे यावेळी सांगण्यात आले.

श्रीमंत थोरले बाजीराव पेशवे यांनी प्रतिकूल परिस्थितीतही धैर्याने निर्णय घेत आपल्या पराक्रमाची छाप इतिहासावर उमटवली. त्यांच्या जीवनातून युवकांनी धैर्य, नेतृत्व, आत्मविश्वास, कर्तव्यनिष्ठा आणि समाजासाठी काहीतरी करण्याची प्रेरणा घ्यावी, असे मत उपस्थित मान्यवरांनी व्यक्त केले.

या जयंती कार्यक्रमास मराठा समाजातील लाभार्थी मोठ्या संख्येने उपस्थित होते. लाभार्थ्यांनीही उत्स्फूर्त सहभाग नोंदवत श्रीमंत थोरले बाजीराव पेशवे यांच्या प्रतिमेस अभिवादन केले. त्यांच्या शौर्य व पराक्रमाच्या आठवणींना उजाळा देत उपस्थितांनी त्यांच्या कार्याला आदरांजली वाहिली.

आण्णासाहेब पाटील आर्थिक विकास महामंडळाच्या माध्यमातून मराठा समाजातील युवक व लाभार्थ्यांना विविध योजनांची माहिती आणि मार्गदर्शन मिळत असताना, अशा प्रेरणादायी महापुरुषांच्या जयंतीनिमित्त एकत्र येणे हा विशेष अनुभव असल्याची भावना यावेळी व्यक्त करण्यात आली.

त्यांच्या पराक्रमातून प्रेरणा घेत युवकांनी उद्योग, शिक्षण, रोजगार आणि सामाजिक क्षेत्रात पुढे यावे, तसेच समाजाच्या विकासासाठी सकारात्मक योगदान द्यावे, असे आवाहनही यावेळी करण्यात आले.

उत्साहपूर्ण आणि प्रेरणादायी वातावरणात झालेल्या या कार्यक्रमामुळे उपस्थितांमध्ये नवचैतन्य निर्माण झाले. मोठ्या संख्येने उपस्थित राहून अभिवादन करणाऱ्या लाभार्थी व मान्यवरांच्या सहभागाने हा जयंती कार्यक्रम उत्साहात संपन्न झाला.

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी व भूमिहार अशा  जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/