शासकीय प्रशिक्षण क्षेत्रातील अग्रगण्य 'मोरया मायक्रोसिस'चे संचालक रोहित आंबेगावे यांची 'अमृत' कार्यालय नांदेडला भेट

मोरया मायक्रोसिसचे संचालक रोहित आंबेगावे यांची नांदेड अमृत कार्यालयास भेट;

जिल्हा व्यवस्थापक सौरभ माळहिप्परगेकर यांच्या हस्ते सत्कार

नांदेड: माहिती तंत्रज्ञान आणि प्रशिक्षण क्षेत्रात अग्रगण्य असणाऱ्या मोरया मायक्रोसिस प्रायव्हेट लिमिटेड या कंपनीचे संचालक श्री. रोहित लक्ष्मण आंबेगावे यांनी नांदेड येथील ‘अमृत’ (AMRUT) कार्यालयास सदिच्छा भेट दिली. याप्रसंगी अमृत कार्यालयाच्या वतीने त्यांचा स्नेहपूर्वक सत्कार करण्यात आला.

मोरया मायक्रोसिस ही संस्था नांदेड जिल्ह्यासह संपूर्ण महाराष्ट्रात विविध शासकीय विभाग, निमशासकीय संस्था तसेच खाजगी कंपन्यांसाठी उत्कृष्ट दर्जाचे कौशल्य विकास व तंत्रज्ञान प्रशिक्षण कार्यक्रम राबवण्यासाठी ओळखली जाते. युवा पिढीला रोजगाराभिमुख प्रशिक्षण देऊन सक्षम बनवण्यात या कंपनीचे महत्त्वपूर्ण योगदान राहिले आहे.

या भेटीदरम्यान ‘अमृत’ कार्यालयाचे नांदेड जिल्हा व्यवस्थापक श्री. सौरभ माळहिप्परगेकर यांच्या हस्ते श्री. रोहित आंबेगावे यांचा शाल व पुष्पगुच्छ देऊन भावुक सत्कार करण्यात आला. शासकीय योजना, प्रशिक्षण उपक्रम आणि भविष्यातील कौशल्य विकास कार्यक्रमांच्या प्रभावी अंमलबजावणीवर या वेळी सकारात्मक चर्चा झाली.

या सत्कार प्रसंगी नांदेड जिल्हा उपव्यवस्थापक श्री. विश्वेश्वर जोशी आणि अमृत मित्र श्री. विश्वास बदापुरकर यांची प्रमुख उपस्थिती होती. या भेटीमुळे आगामी काळात 'अमृत' उपक्रम आणि 'मोरया मायक्रोसिस' यांच्या संयुक्त विद्यमाने जिल्ह्यातील तरुणांसाठी अधिक प्रभावी व नाविन्यपूर्ण प्रशिक्षण उपक्रम राबवले जातील, असा विश्वास या वेळी व्यक्त करण्यात आला.

अधिक माहितीसाठी संपर्क- ७३९१०६५४७२

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी व भूमिहार अशा  जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/