छत्रपती संभाजीनगर येथील श्री शारदा मंदिर कन्या प्रशालेत ‘अमृत वर्गा’चा उत्साहात शुभारंभ

छत्रपती संभाजीनगर : श्री शारदा मंदिर कन्या प्रशाला येथे अमृत वर्गाचा शुभारंभ उत्साहपूर्ण वातावरणात करण्यात आला. विद्यार्थिनींच्या सर्वांगीण विकासाला चालना देण्याच्या उद्देशाने अमृत वर्गामध्ये विविध उपक्रमांचे आयोजन करण्यात आले.

अमृत वर्गाच्या पहिल्या सत्रात विद्यार्थिनींसोबत प्रार्थना, प्राणायाम तसेच विविध मैदानी खेळ घेण्यात आले. या सर्व उपक्रमांना विद्यार्थिनींनी उत्स्फूर्त प्रतिसाद देत मोठ्या उत्साहाने सहभाग घेतला. नियमित प्रार्थना व प्राणायामामुळे मानसिक एकाग्रता, तर मैदानी खेळांमुळे शारीरिक तंदुरुस्ती व संघभावना विकसित होण्यास मदत होते.

अमृत सखी सौ. मंजू कुलकर्णी यांनी अमृत वर्गाचे आयोजन करून विद्यार्थिनींना विविध उपक्रमांमध्ये सहभागी करून घेतले. अमृत वर्गाच्या माध्यमातून विद्यार्थिनींच्या शारीरिक, मानसिक, बौद्धिक व सामाजिक विकासासाठी सकारात्मक वातावरण निर्माण होत आहे.

अधिक माहितीसाठी संपर्क- ७३९१०६५४७२

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी व भूमिहार अशा  जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/