तळेगाव ढमढेरे(जि.पुणे) येथील संभाजी भुजबळ महाविद्यालयात 'अमृत पराक्रम दिनाची माहिती; प्राचार्य बाळासाहेब चव्हाण यांचे सहकार्याचे आश्वासन

येथील स्वर्गीय संभाजी भुजबळ कनिष्ठ महाविद्यालयात अमृत संस्थेच्या वतीने श्रीमंत थोरले बाजीराव पेशवे जयंती निमित्त अमृत पराक्रम दिनाचे आयोजन करण्यात आले आहे. त्यानिमित्त ज्या विविध स्पर्धा आयोजित करण्यात आल्या आहेत त्याचे निवेदन प्राचार्यांना देण्यात आले. या संदर्भात अमृत संस्थेचे प्रतिनिधी अमृत मित्र कमलाकर कुलकर्णी यांनी महाविद्यालयाचे प्राचार्य श्री. बाळासाहेब चव्हाण यांची भेट घेऊन त्यांना स्पर्धांची सविस्तर माहिती दिली.

या उपक्रमाचे स्वागत करत प्राचार्यांनी महाविद्यालयातील विद्यार्थ्यांनी यात उत्स्फूर्तपणे सहभागी व्हावे, यासाठी त्यांना प्रोत्साहित केले.

निबंध, वक्तृत्व आणि रील स्पर्धेची मेजवानी; विजेत्यांना मिळणार बक्षिसे

अमृत संस्थेतर्फे या अंतर्गत निबंध स्पर्धा, वक्तृत्व स्पर्धा आणि रील स्पर्धा अशा तीन वेगवेगळ्या स्पर्धांचे आयोजन करण्यात आले आहे. या स्पर्धांमध्ये यश मिळवणाऱ्या विद्यार्थ्यांना प्रथम, द्वितीय आणि तृतीय क्रमांकासाठी विशेष रोख रक्कम आणि प्रमाणपत्र देऊन गौरविण्यात येणार आहे.

तसेच, स्पर्धेत सहभागी होणाऱ्या प्रत्येक विद्यार्थ्याला 'विशेष सहभाग प्रमाणपत्र' देऊन सन्मानित केले जाणार आहे.

तज्ज्ञ प्राध्यापकांचे मार्गदर्शन आणि व्याख्यानांचे नियोजन विद्यार्थ्यांना या स्पर्धांची तयारी उत्तम प्रकारे करता यावी, यासाठी महाविद्यालयातील इतिहासाची आवड असलेल्या प्राध्यापकांची मदत घेण्याचे यावेळी निश्चित करण्यात आले.

याशिवाय, परिसरातील इतर शाळा आणि महाविद्यालयांमध्ये जाऊन श्रीमंत थोरले बाजीराव पेशवे यांच्या जाज्वल्य इतिहासावर व्याख्याने देण्यासंदर्भातही सकारात्मक चर्चा झाली. या व्याख्यान उपक्रमासाठी आपल्या महाविद्यालयातील तज्ज्ञ प्राध्यापकांची पूर्ण मदत देण्याची तयारी प्राचार्य श्री. बाळासाहेब चव्हाण यांनी दर्शवली आहे. अमृत संस्थेच्या या ऐतिहासिक व शैक्षणिक उपक्रमाचे सर्व स्तरांतून कौतुक होत आहे.

अधिक माहितीसाठी संपर्क - ९११२२२६५२९

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी व भूमिहार अशा जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/