छत्रपती संभाजीनगर येथे कॉर्नर बैठकीत महिलांना विविध उपक्रमांची माहिती

छत्रपती संभाजीनगर येथे अमृत संस्थेच्या वतीने महिलांसाठी कॉर्नर बैठकीचे आयोजन करण्यात आले.

बैठकीमध्ये १८ ऑगस्ट २०२६ रोजी साजऱ्या होणाऱ्या श्रीमंत बाजीराव पेशवे जयंती कार्यक्रमाची माहिती देण्यात आली.

यावेळी अमृततर्फे आयोजित करण्यात येणाऱ्या विविध स्पर्धांचीही माहिती देण्यात आली. यामध्ये निबंध स्पर्धा, वक्तृत्व स्पर्धा आणि चित्रकला स्पर्धेचे आयोजन करण्यात येणार असून, विद्यार्थी, महिला व युवकांनी मोठ्या संख्येने या स्पर्धांमध्ये सहभागी व्हावे, असे आवाहन करण्यात आले.

या कॉर्नर बैठकीत अमृत सखी सौ. मंजू कुलकर्णी यांनी उपस्थित महिलांना मार्गदर्शन करत विविध योजना, पर्यटन उपक्रम तसेच आगामी स्पर्धांमध्ये सहभागी होण्याचे महत्त्व सांगितले. त्यांनी महिलांनी अमृतच्या सर्व उपक्रमांमध्ये सक्रिय सहभाग नोंदवावा, असे आवाहन केले.

बैठकीत उपस्थित महिलांनी विविध योजनांबाबत माहिती जाणून घेतली आणि आगामी उपक्रम व स्पर्धांमध्ये उत्साहाने सहभागी होण्याची तयारी दर्शविली.

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी व भूमिहार अशा  जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/