अमृत संस्थेच्या व्याज परतावा योजनेचा लाभ-यश कुलकर्णी यांनी उभारला स्वतःचा बेकरी व्यवसाय

स्वतःचा व्यवसाय उभारण्याचे स्वप्न अनेक तरुण पाहतात; मात्र आर्थिक अडचणींमुळे ते अनेकदा अपूर्ण राहते. अशाच परिस्थितीत असलेल्या यश कुलकर्णी यांनी अमृत संस्थेच्या व्याज परतावा योजनेचा लाभ घेत स्वतःचा बेकरी व्यवसाय सुरू केला आणि आज ते यशस्वी उद्योजक म्हणून ओळख निर्माण करत आहेत. यश कुलकर्णी यांना व्यवसाय करायचा होता. त्यानंतर अमृत संस्थेच्या व्याज परतावा योजनेची माहिती मिळाल्यानंतर त्यांनी या योजनेअंतर्गत अर्ज केला. व्यवसाय सुरू करण्यासाठी आवश्यक भांडवलाची गरज असल्याने त्यांनी बँकेकडून कर्ज घेतले. आवश्यक कागदपत्रांची पूर्तता करून त्यांना व्याज परताव्याचा लाभ मिळाला. त्यामुळे कर्जावरील आर्थिक भार कमी झाला आणि व्यवसाय अधिक सक्षमपणे उभा करण्यास मदत झाली. आज त्यांच्या बेकरीमध्ये विविध प्रकारचे ताजे बेकरी पदार्थ, केक, बिस्किटे आणि स्नॅक्स तयार करून ग्राहकांना उपलब्ध करून दिले जातात. गुणवत्तापूर्ण उत्पादन आणि ग्राहकांचा वाढता प्रतिसाद यामुळे त्यांचा व्यवसाय दिवसेंदिवस प्रगती करत आहे. तसेच या व्यवसायातून स्थानिक युवकांनाही रोजगाराच्या संधी उपलब्ध झाल्या आहेत. यश कुलकर्णी सांगतात, “अमृत संस्थेच्या व्याज परतावा योजनेमुळे मला आर्थिक आधार मिळाला. त्यामुळे व्यवसायाचा विस्तार करणे शक्य झाले. स्वतःचा उद्योग सुरू करण्याची इच्छा असलेल्या तरुणांनी शासनाच्या आणि अमृत संस्थेच्या विविध योजनांची माहिती घेऊन त्यांचा लाभ घ्यावा.” अमृत संस्थेची व्याज परतावा योजना ही नवउद्योजकांसाठी आर्थिक बळ देणारी प्रभावी योजना ठरत असून अनेक युवक-युवतींना स्वावलंबनाकडे वाटचाल करण्यासाठी प्रेरणा देत आहे. *अमृत संस्थेविषयी :-* अमृत ही महाराष्ट्र शासनाची स्वायत्त संस्था असून खुल्या प्रवर्गातील अश्या जाती ज्यांना दुसऱ्या कुठल्याही शासकीय संस्था किंवा महामंडळे यांच्या योजनांचा लाभ नाही अश्या जातीतील आर्थिक दुर्बल घटक हा अमृतचा लक्षित गट आहे. लक्षित गटात ब्राह्मण, सिंधी, हिंदू मारवाडी, गुजराती, पटेल, राजपूत, राजपुरोहित, बनिया, कम्मा, कायस्थ, अय्यंगार, नायर, नायडू, पाटीदार, बंगाली, येलमार, त्यागी, सेनगूनथर, जाट, कानबी, कोमटी इ. जातींचा समावेश आहे. अशा जातींमधल्या कौटुंबिक वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. अधिक माहितीसाठी संबंधित जिल्ह्यातील अमृत कार्यालयाशी संपर्क साधावा किंवा अमृतचे संकेतस्थळ आणि सोशल मीडिया हँडल्सना भेट द्यावी. https://mahaamrut.org.in/ *अधिक माहिती साठी संपर्क : ९११२२२८७६६ महाराष्ट्र संशोधन, उन्नती व प्रशिक्षण प्रबोधिनी (अमृत) अमृत जिल्हा कार्यालय, अप्पर तहसीलदार कार्यालया समोर, राजवाडा, सांगली ४१६४१६