सोलापुरात 'अमृत पेठ थेट बाजारपेठ' प्रदर्शनाचे शनिवार, दिनांक ११ जुलै रोजी दिमाखात उद्घाटन झाले
सोलापुरात 'अमृत पेठ थेट बाजारपेठ' प्रदर्शनाचे दिमाखात उद्घाटन ! सोलापूर ( प्रतिनिधी): महाराष्ट्र शासनाच्या 'अमृत' (महाराष्ट्र संशोधन, उन्नती व प्रशिक्षण प्रबोधिनी) संस्थेच्या अंतर्गत आयोजित करण्यात आलेल्या 'अमृत पेठ थेट बाजारपेठ - EXHIBITION 2026' चे सोलापुरात अत्यंत उत्साहात आणि जोरात उद्घाटन पार पडले. शनिवार, दिनांक ११ जुलै रोजी या भव्य प्रदर्शनाचा शुभारंभ झाला असून, या सोहळ्याला प्रमुख अतिथी आणि उद्घाटक म्हणून -
यांची प्रामुख्याने उपस्थिती होती . जुने सोलापूर येथील कोणार्क नगरमधील भारती विद्यापीठाच्या शेजारी असलेल्या 'मांगल्य मंगल कार्यालय' येथे हे दोन दिवसीय भव्य प्रदर्शन आयोजित करण्यात आले होते. 'अमृत' प्रबोधिनी ही इतर मागासवर्गीय बहुजन विकास कल्याण अंतर्गत व खुल्या प्रवर्गातील आर्थिकदृष्ट्या दुर्बल घटकांसाठी कार्य करणारी महाराष्ट्र शासनाची एक स्वायत्त संस्था आहे. या संस्थेच्या माध्यमातून प्रशिक्षण घेतलेल्या लघुउद्योजकांना आपल्या व्यवसायाची वृद्धी करता यावी, यासाठी हे प्रदर्शन एक सक्षम मंच म्हणून उपलब्ध करून देण्यात आले आहे. या प्रदर्शनामुळे स्थानिक व नवोदित लघुउद्योजकांना आपल्या दर्जेदार उत्पादनांचे थेट प्रदर्शन करण्याची आणि जास्तीत जास्त ग्राहकांपर्यंत पोहोचण्याची एक सुवर्णसंधी मिळाली आहे. उद्घाटन प्रसंगी बोलताना प्रमुख पाहुण्यांनी अमृत संस्थेच्या या उपक्रमाचे कौतुक केले व नवउद्योजकांना भावी वाटचालीस शुभेच्छा दिल्या. या कार्यक्रमाचे आयोजन व संयोजन पुणे विभागीय व्यवस्थापक देवदत्त पंडित, जिल्हा व्यवस्थापक श्रेयस कुलकर्णी, उपव्यवस्थापक बिरुदेव वाघमोडे आणि आर्या कुलकर्णी यांच्या मार्गदर्शनाखाली करण्यात आले होते. सोलापूर जिल्ह्यातील शेकडो नागरिकांनी आणि ग्राहकांनी या बाजारपेठेला भेट देऊन लघुउद्योजकांकडून उत्पादनांची खरेदी केली व त्यांना भरघोस प्रतिसाद दिला.
विशेष प्रायोजित माहितीसाठी येथे क्लिक करा
Comments 0 Comments
No comments yet
You can start the discussion
Write a Comment