श्री सरस्वती एंजल किड्स स्कूलमध्ये अमृत वर्गास प्रारंभ

श्री सरस्वती एंजल किड्स स्कूलमध्ये आजपासून ‘अमृत वर्ग’ उपक्रमाची उत्साहपूर्ण वातावरणात सुरुवात झाली. विद्यार्थ्यांच्या सर्वांगीण विकासाच्या उद्देशाने आयोजित करण्यात आलेला हा उपक्रम अमृत सखी सौ. मंजू कुलकर्णी यांनी घेतला. अमृत वर्गाची सुरुवात प्रार्थनेने झाली. त्यानंतर प्रेरणादायी गीत, बौद्धिक खेळ तसेच विविध मैदानी खेळांचे आयोजन करण्यात आले. या उपक्रमांमुळे विद्यार्थ्यांमध्ये आनंद, उत्साह, एकाग्रता, आत्मविश्वास, संघभावना आणि सहकार्याची भावना विकसित होण्यास मदत झाली. विद्यार्थ्यांनी प्रत्येक खेळ आणि उपक्रमामध्ये अतिशय उत्साहाने सहभाग घेत आनंद लुटला. या प्रसंगी शाळेच्या मुख्याध्यापिका सौ. श्रद्धा देशमुख तसेच शाळेतील सर्व शिक्षिका उपस्थित होत्या. त्यांनी अमृत वर्गातील उपक्रमांचे कौतुक करत विद्यार्थ्यांना अशा उपक्रमांमध्ये नियमित सहभाग घेण्यास प्रोत्साहित केले. आनंदी आणि उत्साही वातावरणात पार पडलेल्या या अमृत वर्गामुळे विद्यार्थ्यांच्या बौद्धिक, शारीरिक, सामाजिक आणि भावनिक विकासाला चालना मिळाली. शाळेत अमृत वर्गाच्या यशस्वी प्रारंभामुळे विद्यार्थी, पालक आणि शिक्षकांमध्ये समाधानाचे वातावरण निर्माण झाले.

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी व भूमिहार अशा  जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/