रायझिंग स्टार इंग्लिश स्कूल (संभाजीनगर) येथे विद्यार्थ्यांनी घेतला अमृत वर्गाचा आनंद

कार्यक्रमाची सुरुवात प्रार्थनेने झाली. त्यानंतर विद्यार्थ्यांना झाडांचे महत्त्व, विविध प्रकारची झाडे आणि पर्यावरण संवर्धनासाठी त्यांचे फायदे याबाबत सोप्या भाषेत मार्गदर्शन करण्यात आले. मुलांमध्ये निसर्गप्रेमाची भावना रुजावी, यासाठी झाडे लावण्याचा आणि त्यांचे संवर्धन करण्याचा संदेश देण्यात आला. यावेळी विद्यार्थ्यांनी आनंदाने बालगीते सादर केली. तसेच विविध मैदानी व बौद्धिक खेळांचे आयोजन करण्यात आले. सर्व विद्यार्थ्यांनी मोठ्या उत्साहाने खेळांमध्ये सहभाग घेत आनंद लुटला. खेळांमुळे विद्यार्थ्यांमध्ये संघभावना, आत्मविश्वास आणि आनंदी वातावरण निर्माण झाले. या अमृत वर्गाला शाळेतील शिक्षिका देखील उपस्थित होत्या. त्यांनी विद्यार्थ्यांना प्रोत्साहन देत उपक्रमाचे कौतुक केले. विद्यार्थ्यांच्या सर्वांगीण विकासासाठी उपयुक्त ठरणारा हा अमृत वर्ग अमृत सखी मंजू कुलकर्णी यांनी प्रभावीपणे मार्गदर्शन करून यशस्वीरीत्या संपन्न केला.

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी व भूमिहार अशा  जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/