संस्कार, देशभक्ती आणि आनंदाचा संगम म्हणजे अमृतवर्ग!

कोल्हापूर जिल्ह्यातील वाशी गावामध्ये नुकतेच लहान मुलांसाठी एका विशेष 'अमृत वर्गा'चे आयोजन करण्यात आले होते. मुलांमध्ये देशभक्ती, राष्ट्रप्रेम आणि चांगले संस्कार रुजविण्याचा प्रयत्न करण्यात आला. विविध खेळ, प्रेरणादायी उपक्रम आणि आनंददायी कृतींमध्ये मुलांनी उत्स्फूर्त सहभाग घेतला. मुलांनी उत्साहाने अमृतवर्गाचा आनंद लुटला आणि नव्या ऊर्जा व प्रेरणेसह घरी परतले. "संस्कार, देशभक्ती आणि आनंदाचा संगम म्हणजे अमृतवर्ग!" या वर्गामध्ये गावातील मुले एकत्र येऊन विविध खेळांचा आनंद घेत होती आणि एकजुटीचा संदेश देत होती.

या उपक्रमादरम्यान गावातील मैदानावर मुलांसाठी विविध खेळांचे आयोजन करण्यात आले होते. सर्व मुले एका मोठ्या वर्तुळात (सर्कल) एकत्र बसून वेगवेगळ्या रंजक खेळांमध्ये उत्साहाने सहभागी झाली होती. मुलांमधील सुप्त गुणांना वाव देणे, त्यांच्यात सांघिक भावना निर्माण करणे आणि मैदानी खेळांची आवड निर्माण करणे हा या अमृत वर्गाचा मुख्य उद्देश होता.

वर्गात सहभागी झालेल्या मुलांच्या चेहऱ्यावरील आनंद आणि उत्साह ओसंडून वाहत होता. "सगळ्या मित्रांसोबत मिळून खेळायला खूप मजा आली," अशी प्रतिक्रिया येथील विद्यार्थ्यांनी दिली. या उपक्रमामुळे गावातील वातावरण अतिशय आनंदी आणि चैतन्यमय झाले होते. गावातील पालकांनी आणि नागरिकांनी या स्तुत्य उपक्रमाचे विशेष कौतुक केले असून, असे वर्ग नियमितपणे आयोजित केले जावेत अशी इच्छा व्यक्त केली आहे.

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, ठाकूर, जाट, लोहाना, हिंदू नेपाळी व भूमिहार अशा २५ जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/