माहेश्वरी समाजाच्या विदर्भ उपाध्यक्षा लक्ष्मीताई भट्टड यांनी जाणून घेतली अमृतच्या योजनांची माहिती.

तळेगाव (आष्टी) : माहेश्वरी समाजाच्या विदर्भ उपाध्यक्षा लक्ष्मीताई भट्टड यांच्या राहत्या घरी अमृत संस्थेच्या प्रतिनिधींनी सदिच्छा भेट घेतली. अमृत संस्थेच्या कार्याची माहिती मिळाल्यानंतर त्यांनी संस्थेच्या प्रतिनिधींना भेटीसाठी आमंत्रित केले होते. भेटीदरम्यान अमृत संस्थेमार्फत राबविण्यात येणाऱ्या विविध योजना, प्रशिक्षण कार्यक्रम व समाजोपयोगी उपक्रमांची सविस्तर माहिती देण्यात आली. विद्यार्थ्यांसाठी शिष्यवृत्ती मार्गदर्शन, युवकांसाठी कौशल्य विकास व रोजगाराभिमुख प्रशिक्षण, स्वयंरोजगार व उद्योजकता विकासासाठी उपलब्ध संधी, महिलांसाठी विविध प्रशिक्षण उपक्रम तसेच शासनाच्या विविध योजनांबाबत दिल्या जाणाऱ्या मार्गदर्शनाची माहिती यावेळी सादर करण्यात आली. यासोबतच समाजातील आर्थिकदृष्ट्या दुर्बल घटक, विद्यार्थी, युवक आणि महिलांपर्यंत योजनांची माहिती पोहोचविण्यासाठी अमृत संस्थेमार्फत राबविण्यात येणाऱ्या उपक्रमांचा गोषवारा त्यांना देण्यात आला. विविध शासकीय योजनांचा लाभ पात्र लाभार्थ्यांपर्यंत प्रभावीपणे पोहोचविण्यासाठी आवश्यक जनजागृती व मार्गदर्शनाच्या कार्याबाबतही चर्चा झाली. मा. लक्ष्मीताई भट्टड यांनी संस्थेच्या उपक्रमांचे कौतुक केले. समाजातील विविध घटकांना मार्गदर्शन करून त्यांना विकासाच्या संधी उपलब्ध करून देण्यासाठी राबविण्यात येणारे उपक्रम उपयुक्त असल्याचे त्यांनी नमूद केले. तसेच समाजहितासाठी कार्य करणाऱ्या संस्थांचे योगदान महत्त्वाचे असल्याचे सांगत अमृत संस्थेच्या पुढील वाटचालीस त्यांनी शुभेच्छा दिल्या. यावेळी भविष्यात अमृत संस्थेमार्फत आयोजित करण्यात येणाऱ्या विविध जनजागृती उपक्रम, मार्गदर्शन शिबिरे, प्रशिक्षण कार्यक्रम व समाजोपयोगी उपक्रमांना शक्य ते सहकार्य करण्याची तयारी त्यांनी दर्शविली. समाजाच्या विकासासाठी समन्वय आणि परस्पर सहकार्य आवश्यक असल्याचे मतही त्यांनी व्यक्त केले. भेटीदरम्यान समाजहिताच्या विविध विषयांवर सकारात्मक चर्चा झाली असून भविष्यात अधिकाधिक नागरिकांपर्यंत शासनाच्या योजनांची माहिती व मार्गदर्शन पोहोचविण्यासाठी परस्पर सहकार्याने कार्य करण्याबाबत सकारात्मक भूमिका व्यक्त करण्यात आली. अधिक माहितीसाठी संपर्क : ९११२२२७६३२ पत्ता : महाराष्ट्र संशोधन, उन्नती व प्रशिक्षण प्रबोधिनी (अमृत) प्रशासकीय भवन, तळमजला, जिल्हाधिकारी कार्यालय परिसर, सिव्हिल लाईन, वर्धा अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी (अमृत) ही महाराष्ट्र शासनाची स्वायत्त संस्था असून खुल्या प्रवर्गातील ज्या जातींना इतर कोणत्याही शासकीय महामंडळाचा लाभ मिळत नाही, अशा आर्थिकदृष्ट्या दुर्बल घटकांच्या सर्वांगीण विकासासाठी कार्य करते. वार्षिक उत्पन्न आठ लाख रुपयांपेक्षा कमी असलेल्या पात्र व्यक्तींना अमृत संस्थेच्या विविध योजना व उपक्रमांचा लाभ घेता येतो. राज्यातील सर्व ३६ जिल्ह्यांमध्ये अमृत संस्थेची कार्यालये कार्यरत आहेत. संकेतस्थळ : https://mahaamrut.org.in/⁠�