जयच्या यशाला अमृतची साथ

अमृत संस्थेच्या शैक्षणिक अर्थसाहाय्य योजनेअंतर्गत नांदेड येथील आर्यवैश्य समाजातील विद्यार्थी जय चक्करवार याला आतापर्यंत सुमारे ₹१,७०,००० इतके आर्थिक सहाय्य प्रदान करण्यात आले आहे. या सहाय्यामुळे त्याला प्रतिष्ठित Indian Institute of Information Technology, Bhopal येथे उच्च शिक्षण घेणे अधिक सुलभ झाले आहे.

जय चक्करवार यांनी अमृत जिल्हा कार्यालयाला भेट दिली. यावेळी त्याने सांगितले की, संस्थेकडून मिळालेल्या आर्थिक मदतीमुळे शिक्षणाचा आर्थिक ताण मोठ्या प्रमाणात कमी झाला असून आता तो आपल्या अभ्यासावर आणि करिअर घडविण्यावर पूर्णपणे लक्ष केंद्रित करू शकत आहे. अशा प्रकारच्या योजनांमुळे अनेक गुणवंत विद्यार्थ्यांना मोठा आधार मिळत असल्याचेही त्याने नमूद केले.

या संपूर्ण प्रक्रियेत मार्गदर्शन आणि सहकार्य करणारे जिल्हा व्यवस्थापक सौरभ कुलकर्णी सर, तसेच अमृत टीम नांदेड यांचे जयने मनःपूर्वक आभार मानले. विद्यार्थ्यांच्या शैक्षणिक प्रगतीसाठी अमृत संस्थेने राबविलेल्या उपक्रमांचे त्याने विशेष कौतुक केले.

यावेळी अमृत संस्थेच्या शैक्षणिक अर्थसाहाय्य योजनेचा लाभ घेण्यासाठी संस्थेच्या लक्षित गटातील पात्र विद्यार्थ्यांनी पुढे यावे, असे आवाहन करण्यात आले. जय चक्करवारच्या यशस्वी वाटचालीमुळे इतर विद्यार्थ्यांनाही प्रेरणा मिळेल, असा विश्वास व्यक्त करण्यात आला.

अमृत टीमने त्याच्या आतापर्यंतच्या यशाबद्दल अभिनंदन करून त्याच्या भविष्यातील शैक्षणिक आणि व्यावसायिक वाटचालीसाठी मनःपूर्वक शुभेच्छा दिल्या आहेत.

"आर्थिक मदत ही केवळ रक्कम नसून विद्यार्थ्यांच्या स्वप्नांना बळ देणारी प्रेरणा असते. अमृत संस्थेच्या मदतीमुळे माझ्या शिक्षणाचा मार्ग अधिक सुकर झाला आहे," असे भावनिक उद्गार जय चक्करवार यांनी यावेळी व्यक्त केले. जय चक्करवार यांच्याप्रमाणेच अधिकाधिक पात्र उमेदवारांनी अमृतच्या या योजनेचा लाभ घ्यावा, असे आवाहन अमृत टीम तर्फे करण्यात आले आहे.