नामपूर येथे अमृत उद्योजकता विकास प्रशिक्षणा ला सुरवात.

नामपुर :- अमृत उद्योजकता विकास प्रशिक्षणाला आज नामपूर येथे उत्साहात सुरुवात झाली. नाशिक विभागीय व्यवस्थापक मंगेश खाडिलकर यांच्या शुभहस्ते झाली.अमृत च्या विविध योजना व अमृत कार्य ची माहिती सर्व प्रशिक्षनार्थी ना देण्यात आली.

"अमृत"(महाराष्ट्र शासनाची स्वायत्त संस्था) अंतर्गत सखाराम महाराज मंदीर कार्यालय नामपूर येथे आयोजित करण्यात आलेल्या 10 दिवसीय उद्योजकता विकास कार्यक्रमाला (EDP) आज उत्साहात सुरुवात झाली.ग्रामीण भागातील नवउद्योजक महिलांना व्यवसायाच्या विविध पैलूंची माहिती मिळावी, त्यांच्यामध्ये उद्योजकीय दृष्टिकोन विकसित व्हावा आणि स्वतःचा व्यवसाय उभारण्यासाठी आवश्यक कौशल्ये आत्मसात करता यावीत,या प्रशिक्षण कार्यक्रमाचा प्रमुख उद्देश आहे. अमृत संस्थेचे नाशिक विभागीय व्यवस्थापक श्री मंगेश खाडिलकर यांच्या शुभहस्ते या 10 दिवसीय प्रशिक्षणाचे उदघाटन करण्यात आले.

राज्यातील खुल्या प्रवर्गातील अमृतच्या लक्षित गटातील उमेदवारांना स्वयंरोजगारासाठी सक्षम बनविणे व रोजगारनिर्मितीस प्रोत्साहन देणे, हा या प्रशिक्षणाचा प्रमुख उद्देश आहे.प्रशिक्षणामध्ये पहिल्या दिवशी अमृत संस्थेचे जिल्हा उपव्यवस्थापक संजय गोसावी यांनी प्रस्ताविक करत अमृत संस्थेच्या योजना व प्रशिक्षणाचा उद्देश या विषयी माहिती दिली.त्यानंतर सविस्तर मार्गदर्शन करताना मंगेश खाडिलकर यांनी अमृत च्या सर्व योजनांची सविस्तर माहीती दिली.प्रशिक्षण मध्ये अनेक महिला लाभार्थी यांनीही सहभाग घेतला आहे.

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार,अय्यंगार, राजपुरोहित, पाटीदार, नायर, नायडू, कम्मा, कानबी,सिंधी, बनिया, बंगाली, त्यागी,सेनगुनथर,गुजराथी,जाट,लोहाना, हिंदू नेपाळी, भूमिहार,हिंदू-वीरशैव लिंगायत व अगरवाल इत्यादी जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व 36 जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत. संकेतस्थळ :https://mahaamrut.org.in/