सोलापूर कार्यालयात अमृततर्फे आयोजित ५ दिवसीय EDP प्रशिक्षणाचा दुसरा दिवस उत्साहात; ‘उद्योग नोंदणी व कागदपत्रे’ यावर तज्ज्ञांचे मार्गदर्शन!

सोलापूर कार्यालयात अमृततर्फे आयोजित ५ दिवसीय EDP प्रशिक्षणाचा दुसरा दिवस उत्साहात; ‘उद्योग नोंदणी व कागदपत्रे’ यावर तज्ज्ञांचे मार्गदर्शन! सोलापूर (दि. ०९ सप्टेंबर २०२६): महाराष्ट्र संशोधन, उन्नती व प्रशिक्षण प्रबोधिनी (अमृत) संस्थेच्या सोलापूर जिल्हा कार्यालयाच्या वतीने आयोजित ५ दिवसीय उद्योजकता विकास कार्यक्रमाच्या (EDP) दुसऱ्या दिवशी नवउद्योजकांचा उदंड प्रतिसाद पाहायला मिळाला. काल, मंगळवार दि. ०८ सप्टेंबर २०२६ रोजी प्रशिक्षणाचा हा दुसरा दिवस मोठ्या उत्साहात व यशस्वीरीत्या पार पडला. जिल्ह्यातील तरुणांना रोजगाराच्या संधी उपलब्ध व्हाव्यात आणि त्यांच्या व्यावसायिक कल्पनांना योग्य दिशा मिळावी, या उद्देशाने या विशेष ५ दिवसीय प्रशिक्षण सत्राचे आयोजन करण्यात आले आहे. या दुसऱ्या दिवशी 'उद्योग नोंदणी आणि कागदपत्रे' (Udyam Registration & Documentation) या अत्यंत महत्त्वाच्या आणि व्यावहारिक विषयावर १ तासाचे विशेष सत्र पार पडले. या सत्रात प्रमुख मार्गदर्शक म्हणून 'योगेश्वर नेट कॅफे, सोलापूर'चे मॅनेजिंग डायरेक्टर श्री. चिन्मय कलबुर्गी यांनी उपस्थित भावी उद्योजकांना सविस्तर मार्गदर्शन केले. श्री. कलबुर्गी हे 'श्रीविद्या इन्फोटेक'मध्ये तांत्रिक प्रशिक्षण व करिअर डेव्हलपमेंट ट्रेनर असून, त्यांना बँकिंग, फायनान्स आणि तांत्रिक क्षेत्रातील १४ वर्षांहून अधिक काळचा दांडगा अनुभव आहे. यापूर्वी त्यांनी Yes Bank, Axis Bank व Axis Securities मध्ये ऑपरेशन्स विभागात ८ वर्षे आणि योगेश्वर नेट कॅफेमध्ये Hardware & Network Technician म्हणून ३ वर्षे सेवा बजावली आहे. आपल्या सत्रात त्यांनी नवउद्योजकांना एमएसएमई (MSME) अंतर्गत 'उद्यम नोंदणी' कशी करावी, त्याकरिता लागणारी आवश्यक कागदपत्रे, तसेच विविध शासकीय योजनांचा लाभ घेण्यासाठीची कायदेशीर प्रक्रिया सोप्या भाषेत समजावून सांगितली. या प्रात्यक्षिक आणि मार्गदर्शक सत्रामुळे उपस्थित प्रशिक्षणार्थींचा आत्मविश्वास वाढण्यास मदत झाली. प्रशिक्षण स्थळ व संपर्क: १०८ A, श्री साई बिल्डिंग, तिसरा मजला, यतीराज हॉटेलच्या पुढे, सात रस्ता, मोदीखाना, सोलापूर - ४१३००१. संपर्क क्रमांक: ९११२२२८७६८