ज्ञान, संस्कार आणि अध्यात्माच्या परंपरेस प्रणाम- विश्व ब्राह्मण दिनानिमित्त अमृत हिंगोलीकडून शुभेच्छा

हिंगोली, दि. १ जून : भारतीय संस्कृती, तत्त्वज्ञान, वेद-शास्त्रांचे जतन आणि समाजामध्ये नैतिक मूल्यांचा प्रसार करण्यामध्ये ब्राह्मण समाजाने ऐतिहासिक काळापासून महत्त्वपूर्ण भूमिका बजावली आहे. शिक्षण, संशोधन, समाजप्रबोधन आणि संस्कृती संवर्धनाच्या माध्यमातून समाजाच्या सर्वांगीण विकासात या समाजाचे योगदान उल्लेखनीय राहिले आहे. विश्व ब्राह्मण दिनानिमित्त अमृत जिल्हा कार्यालय, हिंगोली यांच्या वतीने सर्व ब्राह्मण बांधवांना हार्दिक शुभेच्छा देण्यात आल्या. ज्ञान, संस्कार, अध्यात्म आणि मानवकल्याणाची गौरवशाली परंपरा जपणाऱ्या ब्राह्मण समाजाच्या सामाजिक, शैक्षणिक, सांस्कृतिक आणि आध्यात्मिक क्षेत्रातील योगदानाबद्दल यावेळी कृतज्ञता व्यक्त करण्यात आली. भगवान परशुराम यांच्या आदर्श विचारांचा वारसा पुढे नेत ज्ञान, सदाचार, कर्तव्यनिष्ठा आणि मानवसेवेची भावना अधिक दृढ व्हावी, अशी अपेक्षा अमृत जिल्हा कार्यालयाच्या वतीने व्यक्त करण्यात आली. समाजामध्ये बंधुभाव, समता, संस्कार आणि राष्ट्रीय एकात्मतेची भावना वृद्धिंगत करण्यासाठी प्रत्येकाने योगदान द्यावे, असे आवाहनही यावेळी करण्यात आले. याप्रसंगी अमृत जिल्हा कार्यालय, हिंगोली यांच्या वतीने सर्व ब्राह्मण बांधवांच्या उत्तम आरोग्य, सुख, समृद्धी आणि उज्ज्वल भविष्यासाठी शुभेच्छा देण्यात आल्या. “विद्या, विनय आणि संस्कार यांचा दीप सदैव प्रज्वलित राहो आणि सर्वांच्या जीवनात आनंद, यश व समाधान नांदो,” अशा शुभेच्छाही व्यक्त करण्यात आल्या. – अमृत जिल्हा कार्यालय, हिंगोली