कलेढोणच्या डॉ. शर्वरी इनामदार यांची राष्ट्रकुल स्पर्धेत सुवर्णवेध: वेटलिफ्टिंगमध्ये पटकावले सुवर्णपदक

कलेढोण : कलेढोणच्या डॉ. शर्वरी इनामदार यांनी राष्ट्रकुल क्रीडा स्पर्धेत (Commonwealth Games) वेटलिफ्टिंग क्रीडा प्रकारात अप्रतिम कामगिरी करत *सुवर्णपदक (Gold Medal)* पटकावले आहे. त्यांच्या या ऐतिहासिक यशामुळे कलेढोणसह संपूर्ण महाराष्ट्राची मान अभिमानाने उंचावली आहे. डॉ. शर्वरी यांनी अत्यंत खडतर परिश्रम आणि जिद्दीच्या जोरावर आंतरराष्ट्रीय स्तरावर हे चमकदार यश मिळवले. वजन उचलण्याच्या निर्णायक फेरीत प्रतिस्पर्धी खेळाडूंना मागे टाकत त्यांनी प्रथम क्रमांक पटकावला आणि सुवर्णपदकावर आपले नाव कोरले. त्यांनी क्रीडा क्षेत्रातील आपली आवड जपली आणि कठोर सराव सुरू ठेवला. त्यांचा हा प्रवास अत्यंत प्रेरणादायी आहे

*गावात उत्सवाचे वातावरण*

डॉ. शर्वरी इनामदार यांनी सुवर्णपदक जिंकल्याची बातमी गावात धडकताच कलेढोणमध्ये एकच जल्लोष सुरू झाला. ग्रामस्थांनी फटाक्यांची आतषबाजी करत आणि पेढे वाटून आनंदोत्सव साजरा केला. कलेढोणने देशाला आंतरराष्ट्रीय स्तरावर सुवर्णपदक मिळवून देणारी खेळाडू दिली, याबद्दल सर्व स्तरातून डॉ. शर्वरी यांच्यावर कौतुकाचा आणि अभिनंदनचा वर्षाव होत आहे. त्यांच्या या यशाबद्दल लोकप्रतिनिधी, क्रीडा क्षेत्रातील मान्यवर आणि ग्रामस्थांनी त्यांचे विशेष अभिनंदन केले असून पुढील वाटचालीस शुभेच्छा दिल्या आहेत.