ऐतिहासिक वारसा लाभलेले घोटणचे महादेव मंदिर भाविकांचे आकर्षण

घोटण, ता. शेवगाव : शेवगाव तालुक्यातील घोटण येथील प्राचीन मल्लिकार्जुन महादेव मंदिर ऐतिहासिक व धार्मिक वारसा जपणारे महत्त्वाचे स्थळ म्हणून ओळखले जाते. यादवकालीन स्थापत्यकलेची वैशिष्ट्ये या मंदिराच्या रचनेत पाहायला मिळतात. जिल्हा प्रशासनाच्या पर्यटन माहितीनुसार मंदिराचा इतिहास १३व्या–१४व्या शतकापर्यंत जातो.

मंदिरातील गाभारा सभामंडपापेक्षा सुमारे १५ फूट खोल असल्याचे तसेच शिवलिंगाजवळ पाण्याचा नैसर्गिक झरा असल्याचे उपलब्ध माहितीत नमूद करण्यात आले आहे. महाशिवरात्रीच्या काळात येथे मोठ्या संख्येने भाविक दर्शनासाठी येतात. सकाळी व सायंकाळी आरती केली जाते.

घोटण परिसरात मल्लिकार्जुन, बळेश्वर आणि जटाशंकर अशी प्राचीन शिवमंदिरे असल्याने हा परिसर धार्मिक आणि ऐतिहासिक पर्यटनाच्या दृष्टीनेही महत्त्वाचा आहे. घोटण हे शेवगाव तालुक्यातील गाव असून जिल्हा प्रशासनाच्या नोंदीत त्याचा समावेश शेवगाव तालुक्यात आहे.

श्रावण महिना, महाशिवरात्री तसेच विविध धार्मिक सणांच्या काळात या मंदिरात भाविकांची मोठी गर्दी होते. प्राचीन वास्तू, धार्मिक परंपरा आणि ऐतिहासिक वारसा यामुळे घोटणचे मल्लिकार्जुन महादेव मंदिर भाविकांसह इतिहास व स्थापत्यप्रेमींसाठी आकर्षणाचे ठिकाण ठरले आहे.

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे.

त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार,अय्यंगार, राजपुरोहित, पाटीदार, नायर, नायडू, कम्मा, कानबी,सिंधी, बनिया, बंगाली, त्यागी,सेनगुनथर,गुजराथी,जाट,लोहाना, हिंदू नेपाळी, भूमिहार,हिंदू-वीरशैव लिंगायत व अगरवाल इत्यादी जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व 36 जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत. संकेतस्थळ :https://mahaamrut.org.in/ अमृत जिल्हा कार्यालय संपर्क क्रमांक :- 9112228769 जिल्हा कार्यालय पत्ता : वरुण अपार्टमेंट, आकाशवाणी केंद्र समोर,

प्रोफेसर चौक, सावेडी, अहिल्यानगर - 414003