गुदमा (जि.गोंदिया) येथील मनिषा पाथोडे यांची प्रेरणादायी उद्योजकीय वाटचाल

समस्यांवर मात करत घडवली स्वतःची ओळख – गुदमा येथील मनिषा पाथोडे यांची यशोगाथा

गोंदिया: जिद्द, मेहनत आणि कुटुंबाचा भक्कम पाठिंबा असेल तर कोणतेही स्वप्न साकार होऊ शकते, याचे उत्तम उदाहरण म्हणजे गोंदिया जिल्ह्यातील गुदमा गावात राहणाऱ्या सौ. मनिषा पाथोडे. अनेक अडचणींवर मात करत त्यांनी हर्षु केक बेकरी आणि मेकअप आर्टिस्ट म्हणून स्वतःची वेगळी ओळख निर्माण केली आहे.

सुरुवातीच्या काळात आर्थिक आणि सामाजिक अडचणींचा सामना करत असतानाही त्यांनी हार मानली नाही. त्यांच्या प्रत्येक पावलावर पती प्रकाश पाथोडे यांनी खंबीर साथ दिली. या पाठिंब्याच्या बळावर मनिषा यांनी केक बनविण्याचे कौशल्य विकसित केले आणि ग्राहकांच्या आवडीनुसार आकर्षक, स्वादिष्ट व दर्जेदार केक तयार करून व्यवसायाची यशस्वी वाटचाल सुरू केली.

आज हर्षु केक बेकरी ही गुणवत्ता, विश्वास आणि उत्कृष्ट सेवेमुळे परिसरात लोकप्रिय होत आहे. यासोबतच मेकअप आर्टिस्ट म्हणूनही त्यांनी अनेक महिलांचा विश्वास संपादन केला असून, विविध समारंभ आणि कार्यक्रमांसाठी त्यांना मोठ्या प्रमाणावर मागणी आहे.

मनिषा पाथोडे यांची ही यशोगाथा ग्रामीण भागातील महिला, युवक आणि नवउद्योजकांसाठी प्रेरणादायी आहे. जिद्द, सातत्य आणि कुटुंबाच्या सहकार्याच्या जोरावर कोणतीही व्यक्ती स्वतःची ओळख निर्माण करू शकते, हा संदेश त्यांच्या प्रवासातून मिळतो.

अमृतचा उद्देशच प्रत्येक युवक-युवतीला कौशल्य, रोजगार आणि उद्योजकतेच्या माध्यमातून आत्मनिर्भर बनवणे हा आहे. मनिषा पाथोडे यांची ही यशोगाथा अनेक नवउद्योजकांसाठी प्रेरणादायी ठरेल. "रोजगार शोधू नका, रोजगार निर्माण करा." AMRUT – कौशल्य, उद्योजकता आणि आत्मनिर्भरतेचा विश्वास.

अधिक माहितीसाठी संपर्क- 9112228776

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी व भूमिहार अशा  जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/