अमृतच्या वैयक्तिक कर्ज व्याज परतावा योजनेमुळे निलेशकुमार राधाकिसन सारडा यांच्या व्यवसायाला मिळाली नवी उभारी!

उद्योजकतेच्या वाटचालीत अनेकदा आर्थिक अडचणींचा सामना करावा लागतो. योग्य वेळी आर्थिक मदत आणि शासनाच्या योजनांचा आधार मिळाला, तर संकटावर मात करून व्यवसाय अधिक सक्षमपणे उभा करता येतो. याचे उत्तम उदाहरण म्हणजे श्री. निलेश कुमार राधाकिसन सारडा (ता. रिसोड, जि. वाशिम).

महाराष्ट्र संशोधन, उन्नती व प्रशिक्षण प्रबोधिनी (अमृत) मार्फत राबविण्यात येणाऱ्या वैयक्तिक कर्ज व्याज परतावा योजनेचा लाभ घेत श्री. सारडा यांनी आपल्या व्यवसायाला नवी दिशा दिली. व्यवसायाच्या वाढीसाठी घेतलेल्या कर्जावरील व्याजाचा काही भाग या योजनेद्वारे परत मिळाल्यामुळे त्यांच्यावरील आर्थिक भार मोठ्या प्रमाणात कमी झाला.

व्यवसाय करत असताना अचानक निर्माण झालेल्या आर्थिक संकटामुळे त्यांना अनेक अडचणींना सामोरे जावे लागले. अशा कठीण काळात अमृतची ही योजना त्यांच्या पाठीशी खंबीरपणे उभी राहिली. व्याज परतावा मिळाल्यामुळे त्यांना व्यवसायात पुन्हा गुंतवणूक करता आली, आर्थिक नियोजन अधिक सक्षमपणे करता आले आणि व्यवसायाच्या विस्तारालाही चालना मिळाली.

आज श्री. निलेश कुमार सारडा आत्मविश्वासाने आपला व्यवसाय यशस्वीपणे चालवत आहेत. ते सांगतात की, "अमृतच्या वैयक्तिक कर्ज व्याज परतावा योजनेमुळे मला मोठा आर्थिक दिलासा मिळाला. योग्य वेळी मिळालेल्या या सहकार्यामुळे माझा व्यवसाय पुन्हा उभारी घेऊ शकला. यासाठी मी अमृत संस्थेचा मनःपूर्वक आभारी आहे."

अमृतच्या विविध योजना केवळ आर्थिक सहाय्य देत नाहीत, तर लाभार्थ्यांमध्ये आत्मविश्वास निर्माण करून त्यांना स्वावलंबनाच्या दिशेने वाटचाल करण्यासाठी प्रेरित करतात. श्री. निलेश कुमार राधाकिसन सारडा यांची यशोगाथा ही अनेक होतकरू उद्योजकांसाठी प्रेरणादायी असून, शासनाच्या योजनांचा योग्य लाभ घेतल्यास कोणतेही संकट संधीमध्ये बदलता येते, याचे हे आदर्श उदाहरण आहे.

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी व भूमिहार अशा  जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/