ज्ञान, संस्कार आणि मार्गदर्शनाचे शिल्पकार म्हणजे शिक्षक

भारतात दरवर्षी ५ सप्टेंबर रोजी शिक्षक दिन मोठ्या उत्साहाने साजरा केला जातो. विद्यार्थ्यांच्या जीवनाला योग्य दिशा देणाऱ्या, ज्ञानाची आणि संस्कारांची शिदोरी देणाऱ्या शिक्षकांप्रती कृतज्ञता व्यक्त करण्याचा हा विशेष दिवस आहे.

५ सप्टेंबर हा दिवस भारताचे माजी राष्ट्रपती, महान तत्त्वज्ञ आणि शिक्षणतज्ज्ञ डॉ. सर्वपल्ली राधाकृष्णन यांच्या जयंतीनिमित्त शिक्षक दिन म्हणून साजरा केला जातो. त्यांचा जन्म ५ सप्टेंबर १८८८ रोजी झाला. त्यांनी शिक्षण आणि भारतीय तत्त्वज्ञानाच्या क्षेत्रात महत्त्वपूर्ण योगदान दिले. देशाच्या सर्वोच्च पदावर विराजमान झाल्यानंतरही त्यांनी शिक्षक या भूमिकेला विशेष महत्त्व दिले.

डॉ. राधाकृष्णन यांच्या विद्यार्थ्यांनी त्यांचा वाढदिवस साजरा करण्याची इच्छा व्यक्त केली असता, त्यांनी स्वतःचा वाढदिवस साजरा करण्याऐवजी तो दिवस शिक्षक दिन म्हणून साजरा करावा, अशी इच्छा व्यक्त केली. त्यानंतर भारतात ५ सप्टेंबर हा दिवस शिक्षक दिन म्हणून साजरा करण्याची परंपरा सुरू झाली.

शिक्षक हे केवळ विद्यार्थ्यांना पुस्तकी ज्ञान देत नाहीत, तर त्यांच्या व्यक्तिमत्त्वाची जडणघडण, विचारशक्ती, शिस्त, संस्कार आणि आत्मविश्वास विकसित करण्याचे महत्त्वपूर्ण कार्य करतात. त्यामुळे विद्यार्थ्यांच्या यशामागे शिक्षकांचे मार्गदर्शन आणि योगदान अत्यंत मोलाचे असते.शिक्षक दिनानिमित्त विविध शाळा व महाविद्यालयांमध्ये शिक्षकांचा सत्कार, विद्यार्थ्यांची भाषणे, सांस्कृतिक कार्यक्रम, निबंध लेखन, वक्तृत्व स्पर्धा आणि विविध उपक्रमांचे आयोजन केले जाते. अनेक ठिकाणी विद्यार्थी एक दिवस शिक्षकांची भूमिका पार पाडून शिक्षकांप्रती आदर आणि कृतज्ञता व्यक्त करतात.

आजच्या आधुनिक आणि तंत्रज्ञानाच्या युगात शिक्षणपद्धतीत मोठे बदल होत असले तरी विद्यार्थ्यांना योग्य दिशा देण्याचे शिक्षकांचे स्थान आजही अढळ आहे. ‘शिक्षक म्हणजे समाजाच्या भविष्याचा शिल्पकार’ या भावनेतून शिक्षक दिन साजरा करून त्यांच्या कार्याला मनापासून सलाम केला जातो.

शिक्षक दिनानिमित्त विविध शाळा व महाविद्यालयांमध्ये शिक्षकांचा सत्कार, विद्यार्थ्यांची भाषणे,