महाराष्ट्र संशोधन उन्नती व प्रशिक्षण प्रबोधिनी (अमृत) - महाराष्ट्र शासनाची स्वायत्त संस्था

महाराष्ट्र संशोधन उन्नती व प्रशिक्षण प्रबोधिनी (अमृत)

महाराष्ट्र शासनाची स्वायत्त संस्था

अमृत महाराष्ट्र

अभंगरंग - २०

आचार्य महादेवबुवा वैद्य यांचा अभंग

मुख्य फोटो

भिल्लिणीचे प्रेमा भुलले श्रीराम ।
करिती विश्राम झोपडीत ॥१॥
पाहुनिया रूपा देहा विसरली ।
रामरूपी झाली, एकरूप ॥२॥
चाखुनिया बोरे देतसे श्रीरामा ।
भक्ताचिया प्रेमा भेद नाही ॥३॥
चरणांची धूळ लावितां कपाळी ।
पातकांची होळी झाली तेव्हां ॥४॥
धर्म जाती भेद भक्तिपाशी नाही ।
एकरूप पाही महादेव ॥५॥
- आचार्य महादेवबुवा वैद्य

(संकलक : प्रसाद वैद्य)