अभंगरंग - ११

संत तुकाराम महाराजांचा अभंग

मुख्य फोटो

वाट पाहे हरि कां न ये अजुनि ।
निष्ठुर कां मनीं धरियेलें ।।१।।
काय करूं धीर होत नाहीं जीवा ।
काय आड ठेवा उभा ठेला ।।२।।
नाहीं माझा धांवा पडियेला कानीं ।
कोठें चक्रपाणी गुंतलेती ।।३।।
नाहीं कळों आलें अंतरा अंतर ।
कृपावंत फार ऐकतोंहे ।।४।।
बहुतां दिसांचें राहिलें भातुकें ।
नाहीं कवतुकें कुरवाळिलें ।।५।।
तुका म्हणें देई एक वेळां भेटी ।
शीतळ हें पोटीं होईल मग ।।६।।

- संत तुकाराम महाराज

(संकलक : प्रसाद वैद्य, रत्नागिरी)