कधीही व्यर्थ गोष्टींमध्ये वेळ वाया घालवू नका

नेताजी सुभाषचंद्र बोस हे अत्यंत प्रखर देशभक्त होते. त्यांचे अवघे जीवन संघर्षमय होते. त्यांनी स्थापन केलेली आझाद हिंद सेना, त्यांनी भारताच्या स्वातंत्र्यासाठी पुकारलेला लढा, त्यासाठी जगातील काही देशांच्या प्रमुखांशी केलेल्या भेटीगाठी हे सारे अद्भुत होते. नेताजींनी वेळेचा पुरेपूर उपयोग करून घेतला. २३ जानेवारी या त्यांच्या जन्मदिनानिमित्त त्यांचा एक अमूल्य विचार येथे देत आहोत.

खरे तर वेळ ही माणसाच्या आयुष्यातील सर्वांत मौल्यवान संपत्ती आहे. एकदा गेलेली वेळ पुन्हा कधीच परत येत नाही. त्यामुळे व्यर्थ गोष्टींमध्ये वेळ घालवल्यास आयुष्यात पश्चात्तापच होतो. निरर्थक वाद, अफवा आणि आळशीपणा यामुळे वेळेचा अपव्यय होतो. वेळेचा योग्य वापर केल्यास यश आपोआप मिळते. विद्यार्थिजीवन असो वा आयुष्याचा कोणताही टप्पा असो, वेळ तितकीच महत्त्वाची असते. अभ्यास, वाचन आणि कौशल्यविकासासाठी वेळ द्यावा. त्या व्यतिरिक्त, योग्य विचारांना वेळेवर योग्य कृतीची जोड दिली, तरच आपण आपली ध्येये गाठू शकतो. वेळ वाया घालवणे म्हणजे स्वतःचे नुकसान करून घेणे होय. ध्येय निश्चित केल्यास वेळेचा योग्य उपयोग होतो. वेळेचे नियोजन केल्याने कामे वेळेत पूर्ण होतात. यशस्वी व्यक्ती कधीही वेळ वाया घालवत नाहीत. प्रत्येक क्षणाचा सदुपयोग केल्यास जीवन समृद्ध होते. म्हणूनच कधीही व्यर्थ गोष्टींमध्ये वेळ वाया घालवू नये.

- नेताजी सुभाषचंद्र बोस