भारत माता विद्यालय, हिंगोली येथे अमृतवर्ग उत्साहात; विविध खेळ, विद्यार्थ्यांमध्ये राष्ट्रप्रेमाचा जागर

हिंगोली : अमृत, हिंगोली जिल्हा कार्यालयाच्या वतीने भारत माता विद्यालय, हिंगोली येथे अमृतवर्गाचे आयोजन करण्यात आले. यावेळी विद्यार्थ्यांसाठी विविध खेळ व देशभक्तिपर गीतांचे आयोजन करण्यात आले. विद्यार्थ्यांकडून विविध राष्ट्रीय घोषणा देण्यात आल्या. या उपक्रमातून विद्यार्थ्यांमध्ये राष्ट्रप्रेम, एकात्मता, संघभावना आणि सामाजिक जाणीव निर्माण करण्याचा प्रयत्न करण्यात आला.

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी ,भूमिहार व हिंदू वीरशैव लिंगायत अशा जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/