सातारा जिल्ह्यात अमृत संस्थेच्या वतीने 'जलजागृती अभियान'; शाळा व महाविद्यालयांमध्ये विशेष व्याख्यानांचे आयोजन

‘पाणी वाचवा, भविष्य घडवा!’ सातारा जिल्ह्यात अमृत संस्थेतर्फे भव्य जलजागृती अभियान

"प्रत्येक थेंबाची बचत – उज्ज्वल भविष्याची हमी!" हा संदेश घेऊन महाराष्ट्र शासनाची स्वायत्त संस्था 'अमृत' (Academy of Maharashtra Research, Upliftment And Training) च्या वतीने सातारा जिल्ह्यात विशेष जलजागृती अभियान राबवण्यात येत आहे. या अभियानांतर्गत 'अमृतवर्ग' कार्यक्रमाद्वारे जिल्ह्यातील निवडक शाळा व महाविद्यालयांमध्ये पाणी बचत, जलसंवर्धन आणि जलसाक्षरतेबाबत मार्गदर्शन व जनजागृती व्याख्यानांचे आयोजन करण्यात येणार आहे.

पाण्याची कमतरता ही केवळ शेतकऱ्यांची समस्या नसून ती संपूर्ण समाजाची जबाबदारी आहे, हा संदेश विद्यार्थ्यांपर्यंत आणि नागरिकांपर्यंत पोहोचवणे हा या अभियानाचा मुख्य उद्देश आहे.

विद्यार्थ्यांना दिले जाणारे दैनंदिन पाणी बचतीचे धडे: या अभियानादरम्यान विद्यार्थ्यांना व नागरिकांना दैनंदिन जीवनात पाण्याचा योग्य आणि अमूल्य वापर कसा करावा, याविषयी विशेष मार्गदर्शन केले जाईल.

यामध्ये प्रामुख्याने पुढील मुद्द्यांवर भर दिला जाणार आहे: 1. नळाचा योग्य वापर करणे व पाणी वाया जाऊ न देणे.

2.आंघोळीसाठी किंवा वापरासाठी बादलीचा वापर करणे.

3.वाहने धुताना पाण्याचा अपव्यय टाळणे.

4.झाडांना गरजेपुरतेच पाणी देणे.

5.घरगुती वापरामध्ये पाण्याचे योग्य नियोजन करणे.

अमृत संस्थेचे आवाहन: "पाण्याचा प्रत्येक थेंब अमूल्य आहे... आज पाणी वाचवा, उद्याचे जीवन सुरक्षित करा!" असे सांगत अमृत संस्थेने सातारा जिल्ह्यातील जास्तीत जास्त शाळा, महाविद्यालये आणि विद्यार्थ्यांनी या जलजागृती अभियानात सक्रिय सहभाग नोंदवावा, असे आवाहन केले आहे.

अधिक माहिती साठी संपर्क - 9112227638 / 7841952681 ठिकाण - सातारा