अमृतच्या C-DAC योजनेतून वाशिममधील अभिलाषाच्या स्वप्नांना मिळाली नवी दिशा

वाशिम येथील विद्यार्थिनी अभिलाषा ठाकूर हिला अमृत संस्थेच्या C-DAC योजनेचा लाभ मिळाला. या योजनेअंतर्गत अभिलाषाने C-DAC मधील PG-DAC (Post Graduate Diploma in Advanced Computing) हा अभ्यासक्रम पूर्ण केला. या अभ्यासक्रमासाठी तिला एकूण ₹१,०२,००० इतका आर्थिक लाभ अमृत संस्थेच्या माध्यमातून मिळाला. आर्थिक अडचणींमुळे उच्च दर्जाचे कौशल्याधारित शिक्षण घेण्यात अडथळा निर्माण होऊ नये, यासाठी मिळालेल्या या मदतीमुळे अभिलाषाला आपल्या करिअरला योग्य दिशा देण्याची महत्त्वपूर्ण संधी मिळाली.

अमृत संस्थेच्या या योजनेमुळे अभिलाषाला आपल्या ज्ञानात आणि कौशल्यात भर घालता आली. PG-DAC अभ्यासक्रम पूर्ण केल्यानंतर तिच्या आत्मविश्वासात वाढ झाली आणि तिला आपल्या करिअरच्या नव्या संधींचे दरवाजे खुले झाले. आज अभिलाषा पुणे येथील Ecolab कंपनीमध्ये Data Analyst म्हणून कार्यरत असून, आपल्या कौशल्याच्या जोरावर व्यावसायिक क्षेत्रात यशस्वी वाटचाल करत आहे.

अभिलाषा सांगते की, “माझ्यासारख्या विद्यार्थ्यांना पुढे जाण्यासाठी अमृत संस्थेने दिलेली ही संधी अत्यंत मोलाची आहे. आर्थिक अडचणींमुळे शिक्षण किंवा कौशल्यविकासाची संधी गमावू नये, यासाठी अमृत संस्थेच्या योजना विद्यार्थ्यांसाठी खूप उपयुक्त आहेत. मला C-DAC योजनेचा लाभ मिळवून दिल्याबद्दल मी अमृत संस्था आणि वाशिम जिल्हा व्यवस्थापक योगेश जोशी यांचे मनःपूर्वक आभार मानते.”

अभिलाषा ठाकूर यांची ही यशोगाथा इतर विद्यार्थ्यांसाठीही प्रेरणादायी आहे. योग्य मार्गदर्शन, कौशल्यविकासासाठी मिळालेली आर्थिक मदत आणि शिक्षणाच्या संधी यांचा योग्य उपयोग केल्यास विद्यार्थी आपल्या भविष्याला नवी दिशा देऊ शकतात, हे अभिलाषाच्या प्रवासातून दिसून येते.

विद्यार्थ्यांनी केवळ संधीची वाट न पाहता अमृत संस्थेमार्फत राबविण्यात येणाऱ्या विविध योजना आणि उपक्रमांची माहिती घेऊन त्याचा लाभ घ्यावा, असे आवाहन करण्यात येत आहे. विद्यार्थ्यांच्या शैक्षणिक आणि व्यावसायिक प्रगतीला बळ देत त्यांना आत्मनिर्भर आणि सक्षम बनविण्याचे महत्त्वपूर्ण कार्य अमृत संस्था करत आहे.

अभिलाषा ठाकूर सारख्या अनेक विद्यार्थ्यांच्या स्वप्नांना बळ देणाऱ्या अमृत संस्थेच्या या उपक्रमाला मनःपूर्वक धन्यवाद!

“अमृतची योजना – विद्यार्थ्यांच्या स्वप्नांना नवी दिशा, कौशल्यांना नवी ओळख आणि उज्ज्वल भविष्यासाठी नवी संधी!”

अमृत संस्थेविषयी : महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्ष्यित गट आहे. त्यामध्ये ब्राह्मण, कायस्थ, कोमटी/वैश्य, मारवाडी, पटेल, राजपूत, यलमार, अय्यंगार, राजपुरोहित, पाटीदार, नायर, नायडू, कम्मा, कानबी, सिंधी, बनिया, बंगाली, त्यागी, सेनगुनथर, गुजराथी, जाट, लोहाना, हिंदू नेपाळी व भूमिहार अशा  जातींचा सद्यस्थितीत समावेश आहे. अशा जातींमधील वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. राज्याच्या सर्व ३६ जिल्ह्यांमध्ये अमृत संस्थेची कार्यालये असून, अधिक माहितीसाठी अमृत संस्थेच्या आपापल्या जिल्ह्यातील कार्यालयाशी संपर्क साधावा. तसेच, अमृत संस्थेचे संकेतस्थळ आणि सोशल मीडिया हँडल्स पाहावीत.

संकेतस्थळ :https://mahaamrut.org.in/