परभणीत २ जून पासून मिळणार तरुणांच्या स्वप्नांना ड्रोनभरारी

अमृत या राज्य शासनाच्या स्वायत्त संस्थेमार्फत खुल्या प्रवर्गातील आर्थिकदृष्ट्या दुर्बलांसाठी विनामूल्य ड्रोन पायलट प्रशिक्षणास दि.०२ जुन २०२६ पासुन प्रारंभ होत आहे.हा १० दिवसांचा निवासी कोर्स अमृत संस्थेकडून लक्षित घटकांसाठी मोफत राबविला जातो. ड्रोन पायलट प्रशिक्षण कार्यक्रमामुळे युवकांसाठी युवकांसाठी अत्याधुनिक तंत्रज्ञानाच्या क्षेत्रात करियरच्या नव्या संधी खुल्या होत आहेत ड्रोनच्या वापराची क्षेत्रे आज विस्तारली असून शेती फवारणी, पीक सर्वेक्षण, भूमापन(सर्वे),व्हिडिओग्राफी व फोटोग्राफी,सरकारी प्रकल्प निरीक्षण अशा अनेक क्षेत्रामध्ये ड्रोनचा प्रभावी वापर केला जातो. त्यामुळे या क्षेत्रातील प्रशिक्षित मनुष्यबळ तयार करण्याची गरज निर्माण झाली आहे.ही गरज ओळखुन अमृत संस्थेने ड्रोन मिशनची सुरुवात केली. खुल्या प्रवर्गातील आर्थिकदृष्ट्या दुर्बल घटकातील युवकांना,विशेषतः ग्रामीण क्षेत्रात स्वयंरोजगार व रोजगारनिर्मिती करणारे प्रशिक्षण देणे, हा या योजनेचा मुख्य उद्देश आहे. कोर्स कालावधीतील १० दिवसांची राहण्याची-जेवण्याची व्यवस्था आणि खर्चही अमृत संस्थाच करते. कोर्स यशस्वीरीत्या पुर्ण केल्यानंतर लाभार्थ्याला ड्रोन विकत घेऊन व्यवसाय सुरू करायचा असेल तर,अमृत संस्थेच्या कर्ज व्याज परतावा योजनेचाही लाभ घेता येऊ शकेल,असे जिल्हा व्यवस्थापक यांनी कळविले आहे. महाराष्ट्र संशोधन, उन्नती व प्रशिक्षण प्रबोधिनी अर्थात अमृत ही राज्य शासनाची स्वायत्त संस्था असून, खुल्या प्रवर्गातील ज्या जातींना कुठल्याही शासकीय संस्था किंवा महामंडळाचा लाभ मिळत नाही अशा जातींमधील आर्थिकदृष्ट्या दुर्बल घटक हा अमृत संस्थेचा लक्षीत गट आहे. त्यामध्ये ब्राह्मण, कोमटी, मारवाडी,ठाकूर, गुजराती, सिंधी, कायस्थ, जाट, बणिया, बंत्स, नायर अय्यंगार, पाटीदार, बंगाली, पटेल, येलमार, त्यागी, सेनगुनथर, राजपुरोहित, नायडू, एलमार इत्यादींचा समावेश आहे. अशा जातींमधल्या वार्षिक उत्पन्न आठ लाख रुपयांपेक्षा कमी असलेल्या व्यक्ती अमृत संस्थेच्या विविध योजनांचा लाभ घेऊ शकतात. अधिक माहितीसाठी अमृत जिल्हा कार्यालय, जुनी प्रशासकीय इमारत, पहिला मजला बीएसएनएल ऑफिसच्या बाजूला, परभणी. येथे संपर्क साधावा. अनिरुद्ध काटे जिल्हा व्यवस्थापक,परभणी. 7391065473/9623531601 रवि कुलकर्णी जिल्हा उपव्यवस्थापक,परभणी. 7875105557